#اتنصب

[nadamuhammmed]

اتنصب عليا من براند مشهوره أوي و مش عارفة أرجع حقي، جربت طرق كتير و بجد مفيش فايدة، إحساسي اني ماخدتش حقي منهم مخليني مش عارفة أنام

و بفكر اعمل فيديو علي التيك توك احكي القصة كلها، و اوديهم في ستين داهية بس معنديش الشجاعة الكفاية اللي تخليني أطلع اتكلم قدام الكاميرا و فكرت أرفع عليهم قضية الفكرة اني عايزة ارازي فيهم و اقرفهم أكتر من كوني عايزة فلوسي، لانهم ولاد ستين كلب نصابين و الاونر بجد حيوانه و معندهاش ذرة ضمير و حرامية

[azzmaaaaa]

ايه حب العملا بجد أنهم يحكولي مشاكلهم 😂💔

العميله بعد ما اتنصب عليها وحكتلي الموضوع بتقولي ف الاخر ينفع اكلمك بعد كده اقولك ايه حصل😂😂🤦🏻

[jaquemes]

اللي باعنا اتنصب عليه

[fozdoaa]

احد الحق صنعه

حبيبه ماما انتى اخدتى حقك ؟

لاءه اتنصب عليا

[lifeofadaydreaminmind]

فيه رقم بعتلي رسالة مرتين إن حسابي في البنك إتقفل مؤقتًا وإن أتصل بيهم وأنا معنديش حساب في البنك أصلاً. لول. الواحد كان متخيل إن ليڤل النصب إنتهى من زمن لكن واضح إنه لسه شغال عادي. دخلت ع التروكولر لقيته رقم spam وناس كتير كاتبين عليه إنه نصاب ومحتال وبجد الواحد مش عارف قد إيه ممكن ناس تتضرر بسبب حد زي كده أو يتنصب عليهم. برضه الموضوع ده حصل قبل كده بس كان على خط تاني من سنين كتير أكيد يعني إن صاحب الخط ( إللي هو خطي أنا يعني) بس أنا مالي يا لمبي بجد ؟ تقريبًا عليه قضية والمفروض فيه فلوس يسددها حاجة ليها علاقة بالبنك برضه. ف أنا مش عارفه بجد إيه الخطوط المشبوهة دي إللي كلها نصب. 🤨 المهم إن دي فايدة إني معنديش حساب في البنك وإني عايشة كإنسان كهف قد الدنيا الحمد لله . والله يكون في عون الناس إللي اتنصب عليهم.

[m1jz]

يارب مايكونش اتنصب عليا

[mytinytinyblog]

انا بعد ما اتنصب عليا للمره الي ملهاش عدد بحاول مبينش ان اتنصب عليا 😂

[nashwaelkady]

على بلد المحبوب ودينى. بقلم معلم فحمه

على بلد المحبوب ودينى. بقلم معلم فحمه على بلد المحبوب ودينى.. وصلنى لارضى وفدادينى.. لا بدى كراسى ولا اتنصب.. من الأول زاهد فى المنصب.. انا عندى صنعة تكفينى.. لا باكل سحت ولا عوالة.. ولا بكسر عينى بعلاوة.. ولا اتدنى لحمص وحلاوة.. ولا يملا عينى الشماشيرى.. انا بارزق من عند صاحبها.. واتشبرق من كد يمينى.. انا صابر للحول ميت حول.. ولا ابدل شكلى ولا قولى.. انا يكش سانن سكاكينى.. للى يقرب من وطنى…

[egyptian-arabian-man]

هام

تعقيب مني

البيع اللي ايجار هو مثلاً تأجير أَو استئجار

وليس بيع شرائي يؤدي لإمتلاك

حقيقي وطالما أَملاك السلطنة المُسلمة لله العربية ماينبغيش إِن يتملك منها شيء إلا سلاطين فعليين للسلطنة دي

يبقى فيه خَلق كتير اتنصب عليهم باسم الشهر العقاري والحكم والدولة والقانون والنظام وباسم أَشياء أُخرى

يعني السلطنة المُسلِمة لله العربية مثلاً ربما مِش عايزة بس تستعمل قسوة ما

مع بعضهم وبتعمل دا بشكل ينفع أَبناء ليهم أَو ينفع أَبنائهم

بس بالحق

وبحسب الطبائع اللي اتخلقوا بيها البشر فيه حاجات بتجرى بعض البشر يشوفوها لما تجرى أَمَام أَبصارهم لبشر ما

ومايشوفهاش لما تجرى أَمَام أَبصارهم لبشر آخرين

وبالحق السلطان محمد الأول المكي بيقدر يحمي كلمته كويس

وأَنَا بشكل معين مُشفق على ناس مفكرين نفسهم سلاطين فعليين علشان بشكل معين مفكرين إِن ليهم أَملاك مُعَينة هي بشكل معين في الحقيقة

مِش أَملاك ليهم

[shenawe-and-a3rabyyat]

عبده الوِحِش : مسيء الخيرو مئلم شيناوي

الشناوي : مالك يله بتتكلم كدا ليه انت شارب ايه عالصبح

عبده الوِحِش : دنا بتدرب يا معلم على الحوار اللي هنعمله

على فيفي الأعرابية

الشناوي : أه قلت كدا أصل ياض أنا سامع إن فيه

فجل اليومين دول بيعمل جنان

عبده الوِحِش : دا احنا بتوع الفجل يا معلم يلا يا معلم شناوي البس الوش علشان يا دوب كدا نروح لفيفي

الأعرابية بنت بشندي الشحات

الشناوي : ماشي

وبعد قليل وصلوا لفيفي الأعرابية

الشناوي : هلو ست فيه فيه أخبارك إيه ست فيه فيه كويسة انتي ولا كويسة

عبده الوِحِش : ازيك ست فيه فيه المكان أمان ولا المكان مش أمان تجار اثار إحنا ست فيه فيه مِش أي حاجة

فيفي الأعرابية : أمان عالآخر يا خواجة

اتفضلوا اقعدوا وفرجوني عالبضاعة

عبده الوِحِش : إفتح الشنطة مستر فشة

فيفي الأعرابية : فشة ايه دا بقا

عبده الوِحِش : اسمه فشة على اسم جده اصل ست فيه فيه جده بولندي هو وكان يبيع فشة

فيفي الأعرابية : ماكنتش أعرف إن الفشة عندكم اسمها فشة

الشناوي : يلا كواريء فرجها عالبضاعة

فيفي الأعرابية : ياحلاوة يا حلاوة فشة وكوارع وهنهرب آثار كمان

عبده الوِحِش : اتفرجي ست فيه فيه دا تمثال لافاش كريه مِن أيام الملك توت عنخ أمون

فيفي الأعرابية : هما الفراعنة كانوا بياكلوا جبنة زينا ؟

عبده الوِحِش : طبئاً كانوا ياكلوا جبنة ويحبوها كمان

فيفي الأعرابية : لاء أنا مِش مصدقة

الشناوي : ست فيه فيه كان زمان فيه مدارس وكان الأطفال ياخدوا ٦

سندوتشات وهما رايهين المدارس دي منها سندوتشات ٣ جبنة

فيفي الأعرابية : انت اقنعتني يا خواجة

عبده الوِحِش : طلعلها المفاجأة مستر فشة

الشناوي : أهو اتفرجي ست فيفي

فيفي الأعرابية : إيه دا - دا فجل

الشناوي : ست فيه فيه دي فجل متحنط مِن أيام الملك توت عنخ أمون

فيفي الأعرابية : ينفع أدوق

عبده الوِحِش : طبئاً لازم تجربي البضائة

فيفي الأعرابية : يا جماله يا جماله دا طعمه مااتغيرش كمان أصل الفراعنة دول فعلاً جبارين أنا هدفع اللي انتوا عايزينه

الشناوي : ئلشان خاطرك أنا هاخد منك في الاتنين ٢٠ مليون جنيه

فيفي الأعرابية : وأنا موافقة

بت يا حلاوتهم هاتي من الخزنة بتاعة ابويا ٢٠ مليون جنيه

حلاوتهم : حاضر يا أبلتي

خدي أهم

فيفي الأعرابية : اتفضل يا خواجة فشة وابقى سلم على جدك فشة ولو عندك أي آثار تانية أنا مستعدة أشتريها خاصة إنك شبه حبيب القلب الشناوي

الشناوي : شكراً ست فيه فيه

يلا مستر كواريء ئلشان نلحق الطيارة

عبده الوِحِش : يلا

التليفون : تررن ترررن

عبده الوِحِش : أنو أنوووو بقول أنوووو انتي فافي الهبلة اللي اتنصب عليكي من شوية

واتباعلك فجل من عند أم بدوي على إنه فجل فرعوني

فيفي الأعرابية : يالهوي هما طلعوا نصابين

عبده الوِحِش : أيوا إحنا عصابة خدي كلمي المعلم

فيفي الأعرابية : أرجوك يا معلم رجعلي فلوسي دي شقا أبويا الفلوس دي

الشناوي : يلا يا ولية يا مجنونة

[aaalsafar]

‏‎ده مدرس الفيزياء بتاعى فـ الثانوية العامة .. مستر يوسف محمد .. سنة 2003 عملت مشروع فاشل كده مع مجموعة من اصحابى و اتنصب عليا و عليهم .. هما حملونى #المسئولية ع اساس ان الراجل اللى نصب علينا كان جاى من طرف واحد معرفتى انا .. المهم بقيت مطالب بـ رد مبلغ 13 ألف جنيه لـ 5 اصحابى .. متخيل طالب فـ ثانوية عامة مطالب ومن غير أبوه وامه يعرفوا انه يرد مبلغ بالشكل ده لوحده وكاتب كذا وصل امانة على نفسه ! .. مبقتش مركز فـ المذاكرة ولا فـ اى حاجة .. مستر يوسف لاحظ فـ حصة م الحصص انى مش ف الفورمة .. ندهلى بعد الحصة وسألنى قال لى انت متغير ليه ؟ .. قلت له : مفيش يا مستر عادى .. ضغط عليا لحد ما حكيت له .. قال لى سددت المبلغ ولا لسه ؟ .. قلت له : سددت 9 تلاف و باقى 4 تلاف لسه .. قال لى روح إنده الولد اللى له فلوس عندك وهاته وتعالى وخليه يجيب معاه الإيصال .. رحت و جبت صاحبى بالإيصال اللى معاه و اكتشفت من كتر اللخمة ان الإيصال كان بـ 5 تلاف مش 4 بس انا اللى كنت متلخبط .. مستر يوسف طلع الـ 5 تلاف من جيبه و اداهم لصاحبى و خد منه الإيصال قطعه .. كنت محرج منه جدا .. قال لى ماتدخلش مشاريع مش فاهمها تانى و عايزك تركز فـ المذاكرة و المادة .. مستر يوسف فضل مصمم لمدة 5 سنين كاملين بعدها مش راضى يأخد الفلوس و كل ما كنت اروح ارجعهم له كان بيرفض و بيتهرب منى عشان ماياخدهمش .. عذبنى 5 سنين لحد ما رضى ياخدهم و بالعافية و كان بيقول لى مش هاخد منك حاجة غير لما تتخرج م الكلية وتشتغل و يفيض منك من فترة عرفت إن مستر يوسف محمد اتوفى .. ربنا يرحمه .. راجل صاحب فضل عليا إنسانياً و علمياً .. بالله عليكم ادعوله لأنه كان واحد من أهل الجنة ع الأرض .. ربنا يرحمك يا استاذى و السلام أمانة لأبويا ‎‏ https://www.instagram.com/p/CmLX9H1t5RJ/?igshid=NGJjMDIxMWI=

[nochnicht]

احنا بنسرق بعض لما بنستخدم بعض لمصلحتنا بكل قذارة ومن غير مقابل أو تقدير أو ع الأقل شعور صادق بالامتنان.. و السرقة المعنوية أكبر من المادية لأنك مش هتقدر تثبت حالة أو تعمل محضر ف القسم ويرجعهالك، مافيش كاميرات مراقبة على دكانة مشاعرك. لازم تركز كويس قبل ما تكتشف انك اتنصب عليك وبقيت فاضي...

لما اعاملك فور جرانتيد و انك الطبيعي تبقى دايما هنا وفاضي عشاني ف أي وقت من غير أعذار وأعاتبك باستحقاق وبجاحة لما مالاقيش ده منك: دي سرقة.

لما تستهلك من طاقتي ووقتي وأعصابي لحد ما تشحن بيهم طاقتك وتسيبني خلصان: ده نصب.

لما كل مرة تيجي بهمومك ترميها على بابي واسمعلك وافضي نفسي واديلك من تعاطفي واهتمامي ولما ييجي دوري واحتاج اتسمع زيك فا تهرب أو تتململ وتكروتني ف الكلام: دي سرقة ونصب وحقارة.

التعاسة ان اللي بيتسرق مبيكونش منتبه إلا متأخر وهو بيتاكل من الغيظ والزعل على نفسه ويا ولاد العرص فين حقي أنا كمان؟ فين دوري؟ فا يلاقي الرد استخفاف وقلب ترابيزات وانت اتغيرت وانت بقيت أناني كمان وشغل تلت ورقات. فا لأ بلاش فتحة صدر، الطيبة واللطف الزايد مع غير أهلهم بيقلبوا بندم و اهانة... أول بأول اطلب حقك وامسك حرامي.

[urfavzarzor]

اتنصب علينا نصبايه اول مره في حياتنا نقع الواقعه ديه مع حد

ده ربنا ياخد الناس اللي معندهاش ذرة ضمير وبيستحلوا على نفسهم فلوس حرام مش بتاعتهم

[omawi36]

مش قادر متكلمش ومحكيش انا اتنصب عليا في عرقي ونفسي مسدودة عن الشغل وبكره ابويا وامي اكتر واكتر اتغربت ورحت محافظة تانية عشان اشتغل المفروض بشتغل على يومية ١٥٠ جنية واقف على رجلي اكتر من اتناشر ساعة واختلفت مع صاحب العمل مرة واتنين و��جعت اجازة واهلي يرجعوني تاني ليه بعد ما ابويا كلمة وقالوا خلي بالك من ابني الراجل كل عرقي وحاسبني على ١٢٠ جنية وفي الاخر يقولي ملكش عندي فلوس هما ٥٠٠ جنية يوم ١\١٠ تعالى خدهم وبكلمة مبيردش عليا وحسبي الله ونعم الوكيل فيه بعد ما مص دمي وعلى حساباته المزيفة انا ليا ٦٦٠ جنية وطبعا راحوا ومستعوض ربنا فيهم لاني مش هاخدهم وحاليا قاعد في البيت ومش معايا فلوس ولا جايلي نفس اشتغل

[sweetygirlm]

اوردر المجات اتنصب عليا فيه 🥹😭 المج ٨٠ مللي

المج طلع فنجان مش مج 😫

واااامآسااااه

أخر مج جبتيه او جالك إمتى ؟

الاسئله دي بتفكرني بحد ، كان ف انون زمان من سنه سنتين كده 😅 .

اخر مره جبت تقريبا شهر ١٠ اللي فات،

وسبحان الله يا انون انا عامله اوردر إمبارح ل مجات جديده 😍

[princeabsent]

‏اتنصب وجهك الي انا الذي لا استحق ان تنظر اليه سبحانك ربي ما الطفك

الله الجليل العظيم الجبار الكبير القدوس الاعظم والعلي الاعلي الفعال لما يريد الملك بل ملك الملوك معبود السموات والارض وما بينهما ينصب وجهه الي انا لاساله واتقرب إليه

يارب لك الحمد سبحانك ما عبدناك حق عبادتك