#Tetun Povo nian

[tetunlianmestica-blog]

Di'ak liu hakerek: assuwa'in.

[tetunlianmestica-blog]

Kreda Católica (liuhossi Conferência Episcopal) nia posição oficial kona-ba oinsá mak hakerek liafuan tetun nian ne’ebé mai hussi português:

«4.1.2. Lian Tetun: língua franca no identidade Timor

171. História mos hanorin ita katak lian Tetun nebé antigamente timor oan sira iha parte balu ko’alia, hetan nia promoção hosi kosarben missionário sira Kreda Católica nian. Sira haburas lian tetun nu’udar meio ida comunicação nian, liu-liu iha sorumutu liturgia nian (sacramento, catequese ka instrução ka diálogo sira). La iha meio ne’e, Maromak nia liafuan (fiar) labele encarna didi’ak iha povo nia moris.

172. No oras ne’e tetun hetan nia fatin ida boot tebes, sai lian oficial Timor nian. Maibé ikus ne’e iha tentativa hodi hassai tetun ida ho ortografia ka gramática nebé tuir ami haré la la’o nu’udar Kreda halo ona. Santa Kreda Timor apela ba ninia oan sira atu tuir nafatin tetun be missionário sira hahú ona, no oras ne’e Kreda desenvolve di’ak liu tan ho estudo linguístico durante ne’e, nebé ninia finalidade própria mak atu sarani bele compreende didi’ak Maromak nia Futarlia iha sorumutu hotu liturgia nian. Iha ne’e ami hakarak hato’o katak ortografia tetun la muda (la halo assimilação) liafuan estrangeira (português, inglês, nst.) tuir fali ortografia tetun nian.»