Tumgik
#नातेवाईकांना
airnews-arngbad · 2 months
Text
Regional Marathi Text Bulletin, Chhatrapati Sambhajinagar
Date – 16 July 2024
Time 18.10 to 18.20
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक – १६ जूलै २०२४ सायंकाळी ६.१०
****
वादग्रस्त प्रशासकीय अधिकारी पूजा खेडकर यांचं प्रशिक्षण स्थगित-मसुरीच्या प्रशासकीय अकादमीत हजर होण्याचे निर्देश
आषाढी एकादशीनिमित्त मुख्यमंत्री आज पंढरपूर दौऱ्यावर-प्रशासकीय यंत्रणा सज्ज
प्रधानमंत्री पीक विमा योजनेत पीक विमा भरण्यासाठी ३१ जुलैपर्यंत मुदतवाढ
जल जीवन मिशन अंतर्गत कामांना गती देण्याचे उपमुख्यमंत्री अजित पवार यांचे निर्देश
आणि
वंचित बहुजन आघाडीची येत्या २५ जुलैपासून आरक्षण बचाव यात्रा
****
वादग्रस्त प्रशासकीय अधिकारी पूजा खेडकर यांचं जिल्हा प्रशिक्षण स्थगित करण्यात आलं आहे. मसुरीच्या लालबहादूर शास्त्री राष्ट्रीय प्रशासकीय अकादमीने खेडकर यांना पत्र पाठवून ही माहिती देत, महाराष्ट्र राज्य सरकारच्या या कार्यक्रमातून पदमुक्त करत, अकादमीत परत बोलावलं आहे. कोणत्याही परिस्थितीत २३ जुलै पूर्वी अकादमीत हजर राहण्याचे स्पष्ट निर्देश खेडकर यांना देण्यात आले आहेत.
****
आषाढी एकादशी उद्या साजरी होत आहे. यानिमित्त पंढरपूर इथं येणाऱ्या वारकऱ्यांना आवश्यक त्या सर्व सुविधा आणि व्यवस्था उपलब्ध करून देण्यासाठी सोलापूरचे पालकमंत्री चंद्रकांत पाटील यांच्या अध्यक्षतेखाली “समन्वय समिती” गठीत करण्यात आली आहे. ग्रामविकास आणि पंचायतराज मंत्री गिरीश महाजन तसंच सार्वजनिक आरोग्य आणि कुटूंब कल्याण मंत्री तानाजी सावंत या समितीत सदस्य म्हणून काम पाहणार आहेत.
आषाढी एकादशीच्या पार्श्वभूमीवर पंढरपुरातली प्रशासकीय यंत्रणा सज्ज असून, चोख पोलिस बंदोबस्तही लावण्यात आला आहे. छत्रपती संभाजीनगर इथं वाळूज नजिक असलेल्या पंढरपुरातही विविध धार्मिक कार्यक्रम होणार आहेत. मंदिराला विद्युत रोषनाई करण्यात आली आहे.
आषाढी एकादशी पार्श्वभूमीवर आज मुंबईतील छत्रपती शिवाजी महाराज रेल्वे स्थानकातून भारतीय जनता पक्षाच्या वतीने नमो एक्स्प्रेस ही रेल्वे भाविकांना घेऊन पंढरपूरकडे रवाना झाली. उपमुख्यमंत्री देवेंद्र फडणवीस यांच्याहस्ते या रेल्वेला हिरवा झेंडा दाखवण्यात आला.
दरम्यान, मुख्यमंत्री एकनाथ शिंदे आज पंढरपूर दौऱ्यावर असून, त्यांच्या हस्ते आज उत्तररात्री अडीच वाजेच्या सुमारास श्री विठ्ठल रुक्मिणीची शासकीय महापूजा केली जाणार आहे.
पंढरपूर इथं ३४ फलाटांच्या चंद्रभागा यात्रा बसस्थानकाचं मुख्यमंत्र्यांच्या हस्ते उद्या लोकार्पण होत आहे. हा राज्यातील एसटी महामंडळाचा पहिलाच भव्य प्रकल्प आहे, सुमारे ३३ कोटी रुपये खर्चून अकरा हेक्टर जागेवर या बसस्थानकाची उभारणी करण्यात आली आहे. यासोबतच एक हजार यात्रेकरूंसाठी निवासस्थान देखील बांधण्यात आलं आहे.
****
दरम्यान, मुंबई - पुणे द्रुतगती महामार्गावर आज झालेल्या अपघातातील मृतांच्या नातेवाईकांना राज्य सरकारकडून प्रत्येकी पाच लाख रूपयांची मदत मुख्यमंत्र्यांनी जाहीर केली आहे. मुख्यमंत्र्यांनी कळंबोली इथल्या एमजीएम रुग्णालयात भेट देऊन अपघातातल्या जखमींची चौकशी केली, जखमींच्या उपचाराचा खर्च सरकारच्या वतीने करण्यात येणार असल्याचं मुख्यमंत्र्यांनी जाहीर केलं. अपघातात जखमी झालेल्या ४६ प्रवाशांवर या रुग्णालयात उपचार सुरू असून त्यापैकी सात जणांची प्रकृती गंभीर आहे. आषाढी एकादशीनिमित्त ही बस डोंबिवलीहून पंढरपूरकडे जात असतांना, लोणावळ्याजवळ झालेल्या या अपघातात पाच जणांचा मृत्यू झाला आहे.
****
प्रधानमंत्री पीक विमा योजनेअंतर्गत एक रुपयात पीक विमा भरण्याची मुदत येत्या ३१ जुलैपर्यंत वाढवण्यात आली आहे. या योजनेची अंतिम मुदत कालपर्यंत म्हणजे १५ जुलै पर्यंत होती. मात्र, राज्यातील अनेक शेतकऱ्यांनी अजूनही पीक विमा भरलेला नाही; त्यामुळे पीक विमा भरण्यासाठी मुदतवाढ देण्याची मागणी कृषी मंत्री धनंजय मुंडे यांनी केंद्र सरकारकडे केली होती. त्यांच्या मागणीनंतर ही मुदत ३१ जुलैपर्यंत वाढवण्यात आली आहे. या पीक विमा योजनेत राज्यातील शेतकऱ्यांनी मोठ्या संख्येने सहभागी व्हावं, असं आवाहन कृषीमंत्री मुंडे यांनी केलं आहे.
****
जल जीवन मिशन अंतर्गत सुरु असलेल्या पाणी पुरवठा योजनांच्या कामांना गती द्या तसंच या कामांच्या सद्यस्थितीचा अहवाल तातडीने सादर करा असे निर्देश उपमुख्यमंत्री अजित पवार यांनी दिले आहेत. नांदेड जिल्ह्यातल्या भोकर इथल्या जलजीवन मिशन आणि वॉटर ग्रीड प्रकल्पाच्या कामाचा त्यांनी आज आढावा घेतला. त्यावेळी ते बोलत होते. नांदेड जिल्ह्यात जल जीवन मिशन कार्यक्रमांतर्गत एक हजार २३४ कामे जिल्हा परिषदेच्या माध्यमातून तर २८ पाणी पुरवठा योजनांची कामे महाराष्ट्र जीवन प्राधिकरणाच्या मार्फत राबवण्यात येत आहेत. ही कामे निश्चित कालमर्यादेत पूर्ण होणं आवश्यक असल्याचंही पवार म्हणाले.
****
राष्ट्रवादी काँग्रेस पक्षाचे नाव आणि चिन्हाबाबत शरद पवार गटाच्या याचिकेवर आता येत्या सहा ऑगस्टला सुनावणी होणार आहे. आज झालेल्या सुनावणीत अजित पवार गटाला या याचिकेबाबत दोन आठवड्यात उत्तर देण्याचे, तर शरद पवार गटाला या उत्तरावर प्रतिवाद करण्यासाठी एका आठवड्याची मुदत दिली आहे.
****
संसदेचं पावसाळी अधिवेशन येत्या २२ जुलै ते १२ ऑगस्ट दरम्यान चालणार आहे. या पार्श्वभूमीवर सरकारनं २१ जुलैला सर्वपक्षीय बैठक बोलवली आहे. २३ जुलैला केंद्रीय अर्थमंत्री निर्मला सीतारामन देशाचा चालू आर्थिक वर्षाचा अर्थसंकल्प अधिवेशनात सादर करतील.
****
राज्यात मराठा आणि ओबीसी संघर्ष होऊ द्यायचा नसेल तर राज्यातील सर्व राजकीय पक्षांनी आपली भूमिका स्पष्ट करण्याची गरज, राष्ट्रवादी काँग्रेसचे मुख्य प्रवक्ते उमेश पाटील यांनी व्यक्त केली आहे. ते आज मुंबईत वार्ताहर परिषदेत बोलत होते.
****
वंचित बहुजन आघाडीच्या वतीने येत्या २५ जुलैपासून आरक्षण बचाव यात्रा काढण्यात येणार आहे. विधिज्ञ प्रकाश आंबेडकर यांनी छत्रपती संभाजीनगर इथे पत्रकार परिषदेत ही माहिती दिली. मुंबईत चैत्यभूमी इथून या यात्रेला प्रारंभ होणार असून, विदर्भ तसंच मराठवाड्याच्या विविध जिल्ह्यात मार्गक्रमण करत, आठ ऑगस्टला छत्रपती संभाजीनगर इथं यात्रेची सांगता होणार आहे.
ओबीसी आरक्षण वाचलं पाहिजे, एसटी एससी शिष्यवृत्ती वाढ झाली पाहिजे, ओबीसी विद्यार्थ्यांना एसटी एससी शिष्यवृत्ती लागू झाली पाहिजे तसंच जे कुणबी आहेत त्यांना आरक्षण मिळाले पाहिजे या मागण्यांचा या यात्रेच्या माध्यमातून प्रचार करणार असल्याचं आंबेडकर यांनी सांगितलं. यासाठी यात्रेदरम्यान ठिकठिकाणी कॉर्नर बैठका तसंच मुक्कामाच्या ठिकाणी जाहीर सभा घेणार असल्याची माहिती आंबेडकर यांनी दिली.
****
संगणकीय प्रणालीमुळे म्हाडाची सोडत प्रक्रिया अत्यंत पारदर्शक झाली असल्याचं, गृहनिर्माण मंत्री अतुल सावे यांनी म्हटलं आहे. आज छत्रपती संभाजीनगर इथं गृहनिर्माण आणि क्षेत्रविकास मंडळ- म्हाडाची प्रधानमंत्री आवास योजना, २० टक्के सर्वसमावेशक योजना आणि म्हाडा गृहनिर्माण योजनेअंतर्गत आज संगणकीय सोडत काढण्यात आली, त्यावेळी ते बोलत होते. सोडतीत घर मिळालेल्या लाभार्थ्यांचं अभिनंदन करत, दोन महिन्यात आणखी एक सोडत काढण्यात येणार असल्याचं सावे यांनी सांगितलं. छत्रपती संभाजीनगर नजिक नक्षत्रवाडी परिसरात एक हजार घरांच्या नव्या प्रकल्पाचं पुढच्या दहा दिवसांत भूमिपूजन करणार असल्याची माहिती सावे यांनी दिली.
****
राज्यात ज्या प्रकल्पग्रस्तांना कमी मोबदला मिळालेला आहे, लवकरच त्यांच्या हिताचा निर्णय घेणार असल्याचं मृद आणि जलसंधारण मंत्री संजय राठोड यांनी म्हटलं आहे. ते आज छत्रपती संभाजीनगर इथं माध्यम प्रतिनिधींशी बोलत होते. अर्थसंकल्पातल्या निधी वाटपासंदर्भात महायुतीच्या घटक पक्षांची कोणतीही तक्रार नाही, तसंच राज्यातल्या २८८ मतदार संघात विकासाच्या योजना पोहोचत असल्याने, जनता समाधानी असल्याचं राठोड यांनी सांगितलं.
****
बीड जिल्ह्यात मातंग समाजातील गुणवंत विद्यार्थ्यांसाठी लोकशाहीर अण्णाभाऊ साठे शिष्यवृत्ती योजना राबवण्यात येत आहे. मातंग समाज आणि संबंधित बारा पोट जातीतल्या दहावी, बारावी, पदवी, पदव्युत्तर तसंच वैद्यकिय आणि अभियांत्रिकी आदी अभ्यासक्रमांमध्ये साठ टक्क्यांहून अधिक गुण मिळवणाऱ्या विद्यार्थ्यांना या योजनेसाठी अर्ज करता येणार आहे. विद्यार्थ्यांनी बीडच्या लोकशाहीर अण्णाभाऊ साठे विकास महामंडळात आवश्यक कागदपत्रांसह अर्ज सादर करावा असं आवाहन जिल्हा व्यवस्थापक व्हि. एस. सोनवणे यांनी केलं आहे.
****
पंतप्रधान नरेंद्र मोदी यांनी केलेल्या आवाहनानुसार प्लांट फॉर मदर किंवा एक पेड मां के नाम या उपक्रमांतर्गत नांदेड वन विभागामार्फत एक लाख तीस हजार रोपांची लागवड करण्यात येणार आहे. त्यामध्ये प्रामुख्याने साग, बहावा, बांबू, चारोळी अशा स्थानिक प्रजातीच्या रोपांचा समावेश असल्याची माहिती नांदेड वनपरिक्षेत्राचे उपवनसंरक्षक केशव वाबळे यांनी दिली. या उपक्रमासाठी वन विभाग आणि सामाजिक वनीकरण विभागाकडून नागरिकांना स्थानिक प्रजातीची रोपे अत्यल्प दरात पुरवली जाणार आहेत. नागरिकांनी या मोहिमेत सहभागी व्हावं, असं आवाहन उपवनसंरक्षक वाबळे यांनी केलं आहे.
****
३५ व्या आंतरराष्ट्रीय जीवशास्त्र ऑलिम्पियाड २०२४ या स्पर्धेत विजेत्या विद्यार्थ्यांचा मुंबईच्या होमी भाभा विज्ञान शिक्षण केंद्रात आज गौरव करण्यात आला. कझाकस्तानमध्ये सात ते तेरा जुलै दरम्यान झालेल्या या स्पर्धेत भारतानं एक सुवर्ण आणि तीन रौप्य पदकं पटकावली, विजेत्या विद्यार्थ्यांमध्ये मुंबईच्या वेदांत साक्रेनं सुवर्ण पदक तर रत्नागिरीतल्या इशान पेडणेकरनं रौप्य पदक पटकावलं आहे. तर चेन्नई इथल्या श्रीजीथ शिवकुमार आणि उत्तर प्रदेशमधल्या यशस्वी कुमार या दोघांनीही रौप्य पदक पटकावलं आहे. यावेळी होमी भाभा विज्ञान शिक्षण केंद्राच्या अधिष्ठाता प्राध्यापिका सविता लदगे उपस्थित होत्या.
****
स्वीडिश खुल्या टेनिस स्पर्धेत आज पुरुष एकेरीच्या फेरीत भारताच्या सुमित नागलची लढत स्वीडनच्या एलियास यमरशी होत आहे, तर पुरुष दुहेरीच्या लढतीत आज सुमित नागल आणि पोलंडच्या कॅरोल ड्रझेविकी या जोडीचा सामना फ्रान्सच्या जोडीशी होईल.
****
0 notes
news-34 · 9 months
Text
0 notes
nandedlive · 1 year
Text
वैद्यकीय ईच्छापत्र अर्थात मृत्युपत्र
Tumblr media
आज दिनांक 8मार्च 2017 रोजी मी माधव संताजी अटकोरे वय 72 वर्ष,राहणार तथागत नगर,तरोडा खुर्द,मालेगाव रोडवर नादेड माझे वैद्यकीय इच्छापत्र अर्थात म्रुत्युपत्र स्वखुशीने ,कोणताही दबाव अथवा नशापाणी न घेता लिहून देतो कि,मी जर कोणत्याही अपघाताने किवा शारीरिक व्याधीने मेन्दूम्रत झालो तर मला दुरूस्त करण्यासाठी,वाचविण्याच्या ईच्छेपोटी उपचारादरम्यान पैसे खर्च करू नका कारण मेन्दूम्रत व्यक्ती दुरूस्त होण्याची शक्यताच नसते . अशा जीवनाच्या अन्तिम प्रसंगी दुख अथवा विलाप न करता स्वताच्या मनावर ताबा ठेवा.आणि विनाकारण नातेवाईक आणि मित्राना बोलावून नाहक त्रास देऊ नका.कारण अशा अवस्थेत जगण्याची शक्यताच नसते हे समजून घेऊन येणार्या प्रसंगाचा सामना करण्याचे साहस दाखवा. मेन्दूम्रत अवस्थेत डॉक्टरांच्या सल्ल्यानुसार माझे अवयव काढून घेण्याची सुचना डॉक्टराना द्या ज्यामुळे कोणत्यातरी गरजू रुग्णाचा जीव वाचविण्याच्या उपयोगी पडतील. मेन्दूम्रत अथवा नैसर्गिक म्रुत्युनतर माझे अवयव दान करण्यासाठी मी हे वचनपत्र भरून देतील आहे त्याचा आपण आदर करून माझ्यावरील प्रेम दाखवावे. म्रुत्युनतर मला गरम पाण्याने आन्घोळ घालू नका ,स्मशानभूमीत नेण्यासाठी तिरडी सजवू नका ,नातेवाईकांना बोलावून त्रास देऊ नका.कोणताही विधी करू नका कारण तुम्ही काहीही केले तरी मी जीवन्त होणार नाही हे सत्य मनाला पटवून द्या. माझ्या म्रुत्युनतर संपत्तीचे वाटप हा मुद्दाच नाही कारण माझ्या नावाने संपत्ती जमा करण्यासाठी मी कधीच प्रयत्न केला नाही.खुप कष्ट केले .ईमान कधीच विकले नाही.पत्रकारीता करताना पैसे हडप करण्याचे अनेक प्रसंग आले परंतु कोणाला जाचक ठरून पैसे कमविणे मला कधीच पटले नाही म्हणून मी आज जरी कफल्लक असलो तरी मनाने पुर्ण पणे समाधानी आहे . जगताना कमी गरजा ठेवून समाधानाने जगलो.जीवनात लबाडी केलीच असेल तर ती फक्त उपाशीपोटी असतानाच केली . मुलांनाही असेच ईमानदारीने जगण्याचा सस्कार दिला .म्हणून माझी मुले आज अतिशय चांगल्या पध्दतीने जीवन जगत आहे त्याचेही समाधान आहे. मी जर वयाच्या 72 वर्षात मरण पावलो तर एकच काम करा माझ्या वया इतके वृक्षारोपण करून त्याची जोपासना करा.झाडे मोठी होतील. ती फुले ,फळे ,सावली देतील आणि पर्यावरणाला सहाय्यक बनतील .माझी पुण्य तिथी वगैरे करण्यासाठी पैसे खर्च करू नका त्यामूळे काहीही साध्य होणार नाही. मी हे वैद्यकीय इच्छापत्र पुर्ण समाधानाने लिहून देत आहे .यासाठी दोन साक्षीदार देत आहे .एक भिमराव ईरबाजी तरटे आणि दुसरे लक्ष्मण चोखाजी जाधव ….   Read the full article
0 notes
pradip-madgaonkar · 1 year
Text
डॉक्टर : उद्या तुम्ही तुमच्या नातेवाईकांना भेटाल.
Pradip : डॉक्टर साहेब माझे सर्व नातेवाईक स्वर्गवासी झाले आहेत.
डॉक्टर : मला माहीत आहे.
😩😩😩😛😛😛🤣🤣🤣😏😏😏🤦‍♂️🤦‍♂️🤦‍♂️
0 notes
bandya-mama · 1 year
Text
डॉक्टर : उद्या तुम्ही तुमच्या नातेवाईकांना भेटाल.
Bandya : डॉक्टर साहेब माझे सर्व नातेवाईक स्वर्गवासी झाले आहेत.
डॉक्टर : मला माहीत आहे.
😩😩😩😛😛😛🤣🤣🤣😏😏😏🤦‍♂️🤦‍♂️🤦‍♂️
0 notes
Text
Odisha: ओडिशा रेल्वे अपघातात 50 जणांचा मृत्यू, 350 हून अधिक जखमी, मृतांच्या नातेवाईकांना प्रत्येकी 10 लाखांची मदत
https://bharatlive.news/?p=103009 Odisha: ओडिशा रेल्वे अपघातात 50 जणांचा मृत्यू, 350 हून अधिक जखमी, मृतांच्या ...
0 notes
marathimajja · 2 years
Text
बाहेर जावून करायची वेश्याव्यवसाय, नवऱ्याला म्हणाली मॉडेलिंग करतेय.
बाहेर जावून करायची वेश्याव्यवसाय, नवऱ्याला म्हणाली मॉडेलिंग करतेय.
आपण मॉडेलिंग करत असल्याची बतावणी करुन बाहेर गेल्यानंतर एजंट ची मदत घेऊन वेश्या व्यवसाय करायची. जेव्हा अचानक पोलिसांची रेड पडल्यानंतर तिचे बिंग फुटले आहे आता नातेवाईकांना व नवऱ्याला कसे तोंड दाखवावे हा प्रश्न तिला पडला आहे. हि घटना मध्य प्रदेश मध्ये घडली आहे. वय वर्ष 27 असलेली प्रीती हि मुळची मध्य प्रदेशची आहे. तिला तीन मुले आहेत. लॉकडाऊन नंतर आर्थिक परिस्थिती ब��घडल्यामुळे तिने या व्यवसायाची निवड…
Tumblr media
View On WordPress
0 notes
mhlivenews · 2 years
Text
काळजी करू नका, घाबरू नका, सर्व काही ठीक होईल - नाशिकमधील अपघातग्रस्तांना मुख्यमंत्री एकनाथ शिंदे यांनी दिला धीर
काळजी करू नका, घाबरू नका, सर्व काही ठीक होईल – नाशिकमधील अपघातग्रस्तांना मुख्यमंत्री एकनाथ शिंदे यांनी दिला धीर
◼️बस दुर्घटनेत मृतांच्या नातेवाईकांना ५ लाख रुपये मदत ◼️जखमी रुग्णांचा सर्व वैद्यकीय खर्च शासन करणार ◼️ अपघातातील प्रत्येक जखमीची केली आस्थेवाईकपणे विचारपूस ◼️सर्वांना वेळेत, संपूर्ण उपचार दिला जाणार ◼️दुर्घटनास्थळाची केली पाहणी   नाशिक, दि.8 (जिमाका वृत्तसेवा) – काळजी करू नका,घाबरू नका, सर्वकाही ठीक होईल,अशा दिलासादायक शब्दांत मुख्यमंत्री एकनाथ शिंदे यांनी आज नाशिक येथील खाजगी बसच्या दुर्घटनेत…
Tumblr media
View On WordPress
0 notes
darshanpolicetime1 · 2 years
Text
काळजी करू नका, घाबरू नका, सर्व काही ठीक होईल - नाशिकमधील अपघातग्रस्तांना मुख्यमंत्री एकनाथ शिंदे यांनी दिला धीर
काळजी करू नका, घाबरू नका, सर्व काही ठीक होईल – नाशिकमधील अपघातग्रस्तांना मुख्यमंत्री एकनाथ शिंदे यांनी दिला धीर
◼️बस दुर्घटनेत मृतांच्या नातेवाईकांना ५ लाख रुपये मदत ◼️जखमी रुग्णांचा सर्व वैद्यकीय खर्च शासन करणार ◼️ अपघातातील प्रत्येक जखमीची केली आस्थेवाईकपणे विचारपूस ◼️सर्वांना वेळेत, संपूर्ण उपचार दिला जाणार ◼️दुर्घटनास्थळाची केली पाहणी   नाशिक, दि.8 (जिमाका वृत्तसेवा) – काळजी करू नका,घाबरू नका, सर्वकाही ठीक होईल,अशा दिलासादायक शब्दांत मुख्यमंत्री एकनाथ शिंदे यांनी आज नाशिक येथील खाजगी बसच्या दुर्घटनेत…
Tumblr media
View On WordPress
0 notes
marathinewslive · 2 years
Text
“याकूबची बॉडी नातेवाईकांना देऊन, त्याचं थडगं…”, भास्कर जाधवांचा भाजपवर पलटवार; म्हणाले, “काट्याचा नाय…”
“याकूबची बॉडी नातेवाईकांना देऊन, त्याचं थडगं…”, भास्कर जाधवांचा भाजपवर पलटवार; म्हणाले, “काट्याचा नाय…”
मुंबईत १९९३ मध्ये झालेल्या बॉम्बस्फोटातील दोषी याकुब मेमनच्या कबरीला सुशोभित करण्यात आल्याची धक्कादायक बाब उघडकीस आली होती. या कबरीला मार्बल्स आणि एलईडी लाईट्स लावण्यात आले होते आणि फुलांच्या पाकळ्यांनी ही कबर सजवण्यात आल्याचे दिसून आले आहे. यावरून भाजपा नेत्यांनी माजी मुख्यमंत्री उद्धव ठाकरे आणि महाविकास आघाडी सरकारवर टीका केली. त्याला आता शिवसेनेचे आमदार भास्कर जाधव यांनी प्रत्युत्तर दिलं…
Tumblr media
View On WordPress
0 notes
airnews-arngbad · 5 months
Text
Regional Marathi Text Bulletin, Chhatrapati Sambhajinagar
Date: 14 May 2024
Time 01.00 to 01.05 PM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक १४ मे २०२४ दुपारी १.०० वा.
****
लोकसभा निवडणुकीच्या सातव्या आणि अंतिम टप्प्यासाठी अर्ज करण्याचा आज शेवटचा दिवस आहे. या टप्प्यात सात राज्यं आणि एका केंद्रशासित प्रदेशातल्या सत्तावन्न लोकसभा जागांसाठी येत्या एक जूनला मतदान होणार आहे.
****
भारतीय जनता पक्षाचे ज्येष्ठ नेते पंतप्रधान नरेंद्र मोदी यांनी आज वाराणसी मतदारसंघातून आपला उमेदवारी अर्ज दाखल केला. या मतदारसंघातून अर्ज भरण्याची मोदी यांची ही सलग तिसरी वेळ आहे. अर्ज दाखल करण्याआधी पंतप्रधानांनी वाराणसीतल्या काल भैरव मंदिरात पूजा केली.
****
येत्या वीस तारखेला मतदान होणार असलेल्या निवडणुकीच्या पाचव्या टप्प्याच्या प्रचारानं वेग घेतला असून सगळ्या पक्षांचे दिग्गज नेते प्रचार सभा आणि प्रचार फे-या याद्वारे मतदारांशी सं��ाद साधत आहेत. भाजपचे ज्येष्ठ नेते पंतप्रधान नरेंद्र मोदी उद्या नाशिक जिल्ह्यातल्या निफाड तालुक्यात पिंपळगाव बसवंत इथे जाहीर सभा घेणार आहेत. शिवसेना उद्धव बाळासाहेब ठाकरे पक्षाचे प्रमुख उद्धव ठाकरे, तसंच राष्ट्रवादी काँग्रेस शरदचंद्र पवार पक्षाचे नेते शरद पवार हे सुद्धा येत्या दोन दिवसात नाशिक जिल्ह्यात जाहीर सभा घेणार आहेत.
नाशिकमध्ये महायुतीच्या प्रचारासाठी उत्तर प्रदेशचे मुख्यमंत्री योगी आदित्यनाथ, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार, पंकजा मुंडे यांच्या सभांचं तर महाविकास आघाडीच्या प्रचारासाठी खासदार अमोल कोल्हे, आमदार रोहित पवार, काँग्रेसचे प्रदेशाध्यक्ष नाना पटोले, खासदार इम्रान प्रताप गडी यांच्या सभांचं नियोजन केलं जात असल्याचं आमच्या वार्ताहरानं कळवलं आहे.
****
औरंगाबाद लोकसभा मतदारसंघात काल पार पडलेल्या मतदानात त्रेसष्ट पूर्णांक सात शतांश टक्के मतदान झालं असून,यात समाविष्ट असलेल्या कन्नड विधानभा मतदरसंघात ६६ पूर्णांक अठ्ठ्याहत्तर,औरंगाबाद मध्य साठ पूर्णांक चाळीस, औरंगाबाद पश्चिम साठ पूर्णांक अडोतीस, औरंगाबाद पूर्व पासष्ट पूर्णांक चव्वेचाळीस गंगापूर चौसष्ट पूर्णांक ऐंशी तर वैजापूर विधानसभा मतदार संघात त्रेसष्ट पूर्णांक सात शतांश टक्के मतदान झालं आहे.
****
दरम्यान,काल तेरा मे ला पार पडलेल्या औरंगाबाद लोकसभा मतदारसंघाच्या मतदानानंतर मतदान यंत्रं स्ट्रॉंग रूममध्ये जमा करण्याची प्रक्रिया पोलीस बंदोबस्तात पूर्ण झाली आहे.
जालना लोकसभा मतदारसंघातही काल मतदान पार पडलं. या मतदारसंघातली सगळी  मतदान यंत्रं जालना औद्योगिक वसाहतीमधल्या सरस्वती ऍटो कंपोनंट्स या ठिकाणी जमा करण्यात येत आहेत. येत्या चार जून रोजी या ठिकाणी मतमोजणी होणार आहे. जालना लोकसभा मतदारसंघात असलेल्या पैठण विधानसभा मतदार संघातली मतदान यंत्रं येणं बाकी असल्याची माहिती उपजिल्हा निवडणूक अधिकारी शशिकांत हदगल यांनी दिली आहे.
****
मुंबईत घाटकोपर परिसरात जाहिरात फलक कोसळून झालेल्या दुर्घटना स्थळी सध्या बचाव कार्य सुरू आहे. राष्ट्रीय आपत्ती प्रतिसाद दल,पोलिस दल,केंद्रीय राखीव पोलिस दल आणि अग्नीशमन दलाचे जवान यात सहभागी झाले आहेत. कोसळलेल्या जाहिरात फलकाच्या खाली अजूनही अनेक गाड्या अडकलेल्या आहेत. त्यामुळे मृत आणि जखमींची  संख्या आणखी वाढण्याची शक्यता बचाव कार्य करणा-या जवानांनी व्यक्त केली आहे.
मुंबईत घाटकोपर इथे काल  वादळी वा-यामुळे झालेल्या या अपघातातल्या मृतांचा आकडा चौदावर गेला आहे.या दुर्घटनेत पंचाहत्तर जण जखमी झाले असून त्यातला एक जण गंभीर आहे.या अपघाताची माहिती मिळताच मुख्यमंत्री एकनाथ शिंदे तसंच उपमुख्यमंत्री देवेंद्र फडणवीस यांनी घटनास्थळाला भेट देऊन पाहणी केली. या दुर्घटनेतल्या मृतांच्या नातेवाईकांना पाच लाखांची मदत देणार असल्याची, तसंच,जखमींच्या उपचाराचा खर्च सरकार करणार असल्याची माहिती मुख्यमंत्री शिंदे यांनी दिली.या दुर्घटनेतल्या दोषी व्यक्तिंवर सदोष मनुष्यवधाचा गुन्हा दाखल करून योग्य ती कारवाई करण्यात येणार असल्याचंही मुख्यमंत्र्यांनी सांगितलं आहे.
****
स्वराज्य रक्षक धर्मवीर छत्रपती संभाजी महाराज यांच्या जयंतीच्या औचित्यानं त्यांना आज अभिवादन करण्यात येत आहे. मुख्यमंत्री एकनाथ शिंदे यांनी, महापराक्रमी धर्मवीर स्वराज्यरक्षक शिवपुत्र छत्रपती संभाजी महाराज यांना जयंती दिनी मानाचा मुजरा, अशा शब्दात आदरांजली वाहिली आहे.
उपमुख्यमंत्री अजित पवार यांनी एका ट्विट संदेशातून छत्रपती संभाजी महाराजांना आदरांजली वाहिली असून, मुघल साम्राज्याला हादरवून सोडणारे धुरंदर राजकारणी, प्रकांड पंडित, कुशल संघटक, स्वराज्यरक्षक छत्रपती संभाजी महाराज यांना जयंतीनिमित्त विनम्र अभिवादन आणि मानाचा मुजरा, अशा शब्दात आपल्या भावना व्��क्त केल्या आहेत.
उपमुख्यमंत्री देवेंद्र फडणवीस यांनीही, परमप्रतापी शंभूराजे यांना जयंतीदिनी त्रिवार मानाचा मुजरा, अशा शब्दात त्यांना आदरांजली वाहिली आहे.
****
येत्या १७ ते १९ मे या कालावधीत छत्रपती संभाजीनगर इथे जिगिषा नाट्यसहवास कार्यक्रमाचं आयोजन करण्यात आलं आहे. या कार्यक्रमात मिलिंद सफई स्मृती पुरास्काराचं वितरणही करण्यात येणार आहे. या पुरस्काराचं हे पहिलं वर्ष असून, लेखक-दिग्दर्शक-अभिनेता धनंजय सरदेशपांडे यांना हा पुरस्कार जाहीर झाला आहे.
****
0 notes
kokannow · 2 years
Text
वागदेतील अपघातात मृताच्या नातेवाईकांना दहा लाखांची आर्थिक मदत
वागदेतील अपघातात मृताच्या नातेवाईकांना दहा लाखांची आर्थिक मदत
आमदार नितेश राणे यांची घोषणा माजी जिल्हा परिषद अध्यक्ष गोट्या सावंत यांनी काढला वागदेतील बंद रस्त्यावर मार्ग प्रांताधिकारी वैशाली राजमाने यांच्या कडून लेखी आश्वासन दिगंबर वालावलकर । कणकवली : कणकवलीत वागदे येथे महामार्गावर झालेल्या अपघातानंतर तब्बल तीन तासाहून अधिक काळ रुग्णवाहिकेतून नेत असलेला प्रशांत प्रभाकर सावंत (नरडवे गडगेवाडी, 50) यांचा मृतदेह नागरिकांनी रोखून धरल्यानंतर अखेर याबाबत…
Tumblr media
View On WordPress
0 notes
kalatmaks-blog · 2 years
Text
काळाची गरज मोबाईल -आज मोबाईल हि काळाची गरज बनलेली आहे. जगातील आपण कोणतीही माहिती आपण इंटरनेटद्वारे समजू शकतो,मोबाईलचा शोध लागला नव्हता त्यावेळी आपण लेखी पत्र पाठवत होतो पण काळानुसार त्यामध्ये खूप नवनवीन बदल झाले, ज्यावेळी मोबाईलचा शोध लागला त्यावेळी फक्त कि पॅड असलेला मोबाईल होता त्यावरून फक्त मोबाईलवर बोलणे ,ऐकणे व फोटो काढणे अशा गोष्टी करता येत असत. मग यामध्ये खूप क्रांतिकारी बदल होत गेले. सुरुवातीला मोबाईल चा ज्यावेळी शोध लागला त्यावेळी मोबाइल खूप मोठा व वापरण्यास अवघड होता असे म्हटले जाते लोकांना त्याचा उपयोग व्हावा यासाठी त्याचा आकार बदलून लहान करत बदल केला. आता मोबाईल मध्ये खूप बदल झाला आहे,आता मोबाईल चा आकार लहान व कोठेही सहज घेऊन जात येईल असा सोपा झाला आहे. मोबाईल ला सेल असेही म्हणतात आता मोबाईल मध्ये इतका बदल झाला आहे कि आपल्याबरोबर बोलणारी व्यक्ती आता बोलताना समोर मोबाईलवर प्रत्यक्ष दिसते त्यामुळे वस्तुस्थिती काय आहे , ती व्यक्ती कोणत्या परिस्थितीत आहे हे पण समजते. अजूनही बरेच शोध लागत आहेत. हि गोष्ट आपल्यासाठी प्रगतीपथावर नेणारी आहे.
मोबाईल हा कितीही गरजेचं असला तरी लहान मुलांना पण याची खूप सवय लागली असे दिसून येत आहे. अगदी लहान मुले मोबाईलच्या आहारी जात आहेत. अगदी वयाच्या दीड वर्षांपासून लहान मुले मोबाईलमधील चित्रे , गाणी गेम्स अशा गोष्टी स्वतः पाहू शकतात .हा जरी कीतीही कौतुकाचा विषय असला तरी मुलांना हि सवय आरोग्याच्या दृष्टीने घटक ठरेल. मुले मोबाईलवरून नजर काढत नाहीत. रंगीबेरंगी चित्रांमुळे त्यांना आनंद होतो. एकदा एका घरातील एक मुलगा मोबाईल चार्जिंग ला लावलेला असताना गेम खेळत होता.आणि थोड्या वेळाने मोबाईल च्या आत स्फोट झाला आणि त्याला हाताला भाजून गंभीर परिस्थिती निर्माण झाली.अशावेळी पालक घाबरून जाणारच. त्यामुळे या गोष्टी काळजीपूर्वक हाताळायला पाहिजेत हे नक्की.
आमच्या शेजारी एक आज्जी आजोबा रहातात. आजोबाना बँकेत पैसे काढायला जायचे होते पण आता ते नीट चालू शकत नव्हते त्यामुळे काय करावे या विचारात ते बसले होते,तेव्हढ्यात त्यांची एक नातं आली आणि तिने आजोबाना घरात बसून बँकेचे काम मोबाईलवर कसे करतात ते दाखवले आणि पूर्ण माहिती भरून a.t.m. मशिनमधून ते पैसे त्यांना घरी आणून दिले.त्यांना बाहेर जावे लागले नाही आणि मोबाइल मुळे घरात बसून कामही झाले. मोबाईलवर अशी कामे करता येतात असे समजल्यामुळे त्यांनी ते समजून घेऊन शिकण्यास सुरुवात केली
अति प्रमाणात मोबाईलचा वापरवापर केल्यामुळे त्यावरील चमकदार प्रकाशामुळे डोळे कोरडे होणे ,चक्कर येणे ,डोळ्यातून सतत पाणी येणे असे त्रास होऊ शकतात झोपेवर परिणाम होऊन निद्रानाश होणे असे हि त्रास होताना दिसतात. मोबाईल जास्त वापरल्यामुळे मेंदूतील आजार ,विस्मरण होणे असेही समस्या निर्माण होतात
गाडी चालवताना मोबाईल वर बोलणे खूप धोक्याचे आहे. यामुळे लक्ष विचलित होऊन अपघात होण्याची शक्यता नाकारता येत नाही,गाडी चालवताना घरी आली माणसे वाट पहात आहेत हे ध्यानात घेऊन मोबाईलचा योग्य वेळी वापर करावा.
मोबाईलमुळे अलीकडे माणसाच्या झोपेवर अनिष्ट परिणाम होताना दिसत आहेत. मोबाईल च्या अति वापरामुळे झोप कमी होत आहे. रात्री उशिरापर्यंत मोबाईल खूप वेळ बघत राहिल्याने झोप लागत नाही त्यामुळे सकाळी उठताना अंगात जडपणा ,आळस थकवा येतो. उत्साह वाटत नाही या गोष्टी लक्षात घेऊन मोबाईलचा जपून वापर करावा.
जेव्हा काही आपत्कालीन घटना घडतात त्यावेळी मोबाईलमुळे त्या लगेच सर्वांपर्यंत पोहोचतात. उदा. रस्त्यावर जर एखादा अपघात झाला तर मोबाईलवरून रुग्णवाहिका बोलवणे ,रुग्णाला दवाखान्यात भरती करणे, त्यांच्या नातेवाईकांना याबद्दल माहिती देणे या आणि अशा बऱ्या गोष्टींसाठी मोबाईलचा उपयोग होतो. योग्य ती मदत वेळेवर मिळाल्यामुळे रुग्णाचे प्राण वाचु शकतात. असे चांगल्या आणि योग्य योग्य वेळी मोबाईल फार उपयोगाचा ठरतो आहे.आता तंत्रज्ञान इतके प्रगत होत आहे कि आपण कल्पना हि करू शकत नाही इतके बदल होत असतात .त्यामुळे कोणत्या गोष्टींचा वापर किती आणि कसा करावयाचा ,त्याचे चांगले आणि वाईट परिणाम कोणते हे लक्षात घेऊनच आपण पुढे जाऊया.
Tumblr media
0 notes
loksutra · 2 years
Text
शहीद जवानांच्या कुटुंबीयांना मिळणार एक कोटी, गुजरात सरकारची मोठी घोषणा
शहीद जवानांच्या कुटुंबीयांना मिळणार एक कोटी, गुजरात सरकारची मोठी घोषणा
गुजरात सरकारने कोणत्याही परिस्थितीत सेवेत मृत्यूमुखी पडणाऱ्या संरक्षण किंवा निमलष्करी दलातील जवानांच्या कुटुंबीयांना 1 कोटी रुपयांची भरपाई जाहीर केली आहे. गुजरातचे मुख्यमंत्री भूपेंद्र पटेल. (फाइल फोटो) गुजरात सरकारने शहीद जवानांच्या नातेवाईकांना देण्यात येणारी आर्थिक मदत एक कोटी रुपयांपर्यंत वाढवली आहे, तसेच शौर्य पदक विजेत्यांच्या रोख पुरस्कारांमध्ये मोठी वाढ केली आहे. गुजरात सरकार…
Tumblr media
View On WordPress
0 notes
rebel-bulletin · 2 years
Text
मध्य प्रदेशात एसटी बस दुर्घटना : मृत प्रवाशांच्या नातेवाईकांना एसटीतर्फे प्रत्येकी दहा लाख रुपये
मध्य प्रदेशात एसटी बस दुर्घटना : मृत प्रवाशांच्या नातेवाईकांना एसटीतर्फे प्रत्येकी दहा लाख रुपये
बचाव कार्यावर स्वतः मुख्यमंत्री लक्ष ठेऊन • बचावलेल्या प्रवाशी व जखमींना तातडीने सर्व मदत मिळेल ती पाहण्याचे प्रशासनाला निर्देश • अपघातानंतर मध्य प्रदेशच्या मुख्यमंत्र्यांशी देखील चर्चा मुंबई : मध्य प्रदेशात नर्मदा नदीमध्ये आज सकाळी एसटी महामंडळाची बस कोसळून झालेल्या अपघाताबद्धल मुख्यमंत्री एकनाथ शिंदे यांनी तीव्र दुःख व्यक्त केले असून असून बचाव कार्य व्यवस्थित पार पाडावे व जखमींवर लगेच…
Tumblr media
View On WordPress
0 notes
Text
Bhiwandi : भिवंडी इमारत दुर्घटनेत तीन ठार; ९ जखमी; मृतांच्या नातेवाईकांना पाच लाखांची मदत
https://bharatlive.news/?p=95594 Bhiwandi : भिवंडी इमारत दुर्घटनेत तीन ठार; ९ जखमी; मृतांच्या नातेवाईकांना पाच ...
0 notes