#هننتصر

[farashetahlamy]

منشور عجبني خفيف ظريف..⬇️⬇️

حابب الجرائم تقل؟

والشجارات في الشوارع تنتهي أول ما تبدأ أو متبتديش  من الأساس؟

🧐

خليك إيجابي

متنشرش الجريمة ولا المشكلة

انشر الحل

🤗

طيب يلا

1/   أول حل

أول ما تلاقي الأصوات بدأت تعلا

بسرعة

الأذان

أيون

قول الاذان

الله أكبر

الله اكبر

الله اكبر

الله اكبر

وكمل لغاية ما تخلص الاذان 💙💙

هتلاقي الخناقة اتفضت والناس بتسلم على بعض وممكن تلاقيهم بيعتذروا لبعض وبياخدوا بعض بالحضن

اعملها وانت ماشي ف الشارع

أول ما تحس أن في خناقة هتحصل جري ع الأذان 🥰🥰

مش لازم بصوت عالي على فكرة

طيب ليه الاذان ؟🤔

لانه بيصرف الشياطين

وانت ف بيتك لما تسمع صوت الجيران بيتخانقوا

خليك إيجابي

الاذان

هتتفض الخناقة قبل ما تبدأ

بدل ما تسب وتلعن في الناس اللي مش بتبطل خناقات 🤐

الاذان

علموا أولادكم بدل ما تتفرج على الخناقة وانت مستمتع علمه يقول الاذان

علموا أولادكم لو لقوا اصحابهم بيتخانقوا

يقولوا الاذان

لما زوجك يجي شايط وتحسي أنه عايز يتخانق وخلاص اسكتي وقولي ف سرك الاذان

☺️☺️

لو جاي من برة لاقيت صوت زوجتك والولاد عالي قول قبل ما تدخل البيت الاذان

قولوا لأولادكم لما تلاقونا (بابا وماما اقصد ) هنشد قولوا الاذان

يعني اقعد اقول الاذان وبس؟

وبس؟

😏😏

السؤال اساسا مش منطقي ؟

وبس دي تتقال لما اعمل حاجة صغيرة

وانك وقت الخناقات تكون واعي وتستعين برب البشر  على عدو البشرية الأول  وتنفذ اتنين ممكن يتحولوا ف ثواني لقاتل ومقتول ده عمل عظيم.

🥳

ولو شايف ان في حاجة تاني محتاجة تتعمل

اعملها بس أبدا بالاذان

مفيش حد هيسمع لمحاولاتك في الإصلاح وشيطانه راكبه.

كده هننتصر على الشيطان

كده هتقل الجريمة

كده هنكون ايجابيين 

شير

واحمي الغير

#د_أمينة_خلف

[samuraiiii]

كل ديه هزايم ، هننتصر امتى طيب ..؟

[chaoticcowboybagelcroissant]

اغرب رسالة وداع مني ليك بيني وبين نفسي على الاطلاق عارفه أنك مش هتقرأها بس على الاقل لسه بعرف أطلع الي جوايا ليك زي زمان من غير خوف ولا كدب ولا زعل ولا مسافات ولا بعاد مضطره ليه طلعتها بحب ليك وبحب التخلي عن الحرب الي قايمه جوايا ليك بقالها سنتين وشويه خسرتها من زمان بس لولا مقاومتي وأملي فيك وفيا أننا هننتصر فيها ماكنت بقيت فيها ولادقيقه لولاحبك و��ولا حبي إلي هان في يوم عليك :))

[oooutofsight]

امتي ابدت الخناقه؟ وهل لما كنت بعيد مكنتش بتخانق معاه في دماغي؟

والانتصار الموقت، كان انتصار حقيقي فعلا.. هننتصر ازاي على الاشرار لو كانو فوق كتفنا حتي في رحلة الهروب

[m-anarrr]

عارفين زمان ساعة اللي علي الحيطة الكبيرة دي لما نفضل قاعدين قدامها مراقبين الوقت ونرجع نبص علي البلكونة نراقب السما

عشان عايزين نضمن اننا هننتصر في المعركة دي وهنكون لمحنا اول طيف للشمس قبل ما ننام ؟

اهو لو كنا نعرف ساعتها اننا هنعيش نص عمرنا بنلمح طيف الشمس والساعه تدور ونحضر الطيف التاني والتالت من غير نوم

مكناش استعجلنا كده واحنا صغيرين

[sarrah]

تحدي، هنستغنى عن النوم علشان نخلص ونستبدله بشرب قهوة، ونشوف كدا هنصير كلاون ولا هننتصر

[shimaaabdelhak]

حكايات عاشوراء

الحق احق ان يتبع دون الانتظار للنتيجه..مش كل مره واحنا بندافع عن الحق الي بنؤمن بيه مش لازم نتوقع علي طول أننا هننتصر في كل مره ...وده بيظهر جدا لما انتصر سيدنا موسي علي فرعون مصر ونجاته...ويظهر تاني بعدها في عدم انتصار سيدنا الحسين في كربلاء

دافع عن الحق للحق

[dohaafifi]

86

تجربتي في التحرر من ذنب الحزن ..

إتعلمنا إن الحزن ضعف .. وإنه مرض.. وإنه عار..

إفتكرنا إن المفروض اننا نفضل طول الوقت مبسوطين .. وفرحانين .. وبننجز .. وبنطيّب ..

إفتكرنا إننا لما نتجاهل الحزن هيعدي .. أو لما نقاومه هننتصر عليه ..

اتعلمت من تجربتي إن الحزن زي السحابة اللى بتخبي السما من عيني.. صحيح مش قادرة استمتع ببهجة الحياة.. لكن السحابة جاية لي بخير .. جاية لي برزق.. جاية لي برسالة.. لما قبلت وجودها.. وقبلت انها دارت عني السما ولو شوية .. وقتها بس قدرت أشوف الرسالة وأتوصل بنفسي .. وقتها بس السحابة مشيت ورجعت الشمس نورت روحي من تاني..

وشوفت وهمين كانوا بيزودوا الحزن ..

ذنب الحزن ..

وحزن الذنب ..

لا الحزن ذنب محتاجين نتطهر منه ..

ولا الذنب مبرر إننا نقعد جنبه، نجتره، نكبره، نحكم على نفسنا، ونحزن عليه ..

اتعلمت إني بشر .. وإني طول ما أنا بتحرك مش قاعدة فأنا مش هكون مثالية طول الوقت.. وإتعلمت إني لو اتعاملت مع أوقات محدوديتي على إني مذنبة .. يعني لما أبص لنفسي وأقول "إيه مشكلتك ؟ " وأبدأ ألومها وأقلل منها ظنًا مني إني كدة بساعدها تكون أفضل .. أنا بالعكس بالطريقة دي نفسي بتصدق الصورة اللى اديتهالها .. وبدل ما تقوم وتحاول مرة تانية .. بتفضل قاعدة جنب الذنب تندب حظها.. تندب وجودها.. !

لما بنهتم بعلاقتنا بنفسنا إنها تكون علاقة فيها حب واحترام وتقدير وشوفان .. علاقة بنحاول نقرب ونتوصل بنفسنا .. علاقة فيها براح وسماح ورحمة ..! بنشوف جمال خلقة ربنا.. وهو الأعلم بمن خلق.. وزي ما بيحبنا نعبده ونعمل الصالحات .. بيحبنا أوّابين .. يعني لو غلبتنا إنسانيتنا أحيانا نفتكر ونرجع .. مش نيأس ونقنط ..

وأما إن الحزن مش ذنب لأن الحزن صوت من أصوات أرواحنا اللى مالهاش صوت .. اللى بتقول لنا عن طريق الحزن أنا موجوده .. في إحتياج مش متلبي.. اسمعني .. وساعدني .. !

أول خطوة فى تخطي الحزن إننا ما نستعجلش إننا نتخطاه ..

إننا نقبله ونقبل وجوده ..

ولا نقاومه ولا ننكره .. ولا نستعجل وندور حوالينا على النقص ..

إنما نبص جوانا .. إيه الإحتياج اللى بينادينا ولسة ما سمعنلهوش ..!!

وفت الحزن بتيجي أفكار سلبية .. نتفرج عليها ونلاحظها .. الأفكار دي على قد إزعاجها على قد ما وراها حقايق .. آمنت إن ورا كل كذبة فى حقيقة .. وورا كذبة أفكاري في حقيقة إحتياجي اللى من حقي وهسعى أدور عليه ..  

لما بنلاحظ مثيرات الحزن ملاحظة نقية .. بنساعد نفسنا إننا نطلع من طاقة الأحكام والتع��يمات والأفكار السلبية لطاقة الرؤية والبصيرة والرحمة .. اللهم أرني الأشياء كما هي .. لنفسي أولا .. عشان ما أعيشش وهم وعشان أشوف بعين البصيرة اللى مش شايفاه بعين البصر ..

ولما بنلمس مشاعرنا .. زي الحزن .. بنلمس إنسانيتنا .. بنعترف بوجودنا .. بنعترف بتغيرنا من لحظة للتانية .. من حالة للتانية .. بنتحرك .. بنحيا ..

ولما بندور على إحتياجاتنا بندي لنفسنا فرصة جديدة عشان نسعد وعشان نرضى ..

=============

وَهُوَ الَّذِي يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ ۖ حَتَّىٰ إِذَا أَقَلَّتْ سَحَابًا ثِقَالًا سُقْنَاهُ لِبَلَدٍ مَّيِّتٍ فَأَنزَلْنَا بِهِ الْمَاءَ فَأَخْرَجْنَا بِهِ مِن كُلِّ الثَّمَرَاتِ ۚ كَذَٰلِكَ نُخْرِجُ الْمَوْتَىٰ لَعَلَّكُمْ تَذَكَّرُونَ

سقناه لبلد ميت .. 

قلبي كان بلدًا ميتًا.. 

فأحياه الله بالألم ..

وبعثه من بعد الموات .. 

فالحمد الله على الألم .. وعلى الإحياء

[elyomnews-blog]

رئيس الوزراء من المنيا مصر مازالت قوية وشعبها قوى بوحدته ونسيجه الوطني " سنتصر باذن اللة"

رئيس الوزراء من المنيا مصر مازالت قوية وشعبها قوى بوحدته ونسيجه الوطني ” سنتصر باذن اللة”

��لمنيا حمد الترهوني 

    قال المهندس شريف إسماعيل، رئيس مجلس الوزراء، إن توقيت  الحادث الإرهابى الذى استهدف حافلة على الطريق الصحراوى بمدينة المنيا صباح اليوم الجمعة، والذى أسفر عن استشهاد 28 مواطنا، قبل بدء شهر رمضان الكريم، يهدف إلى أن يأخذ الحادث حجما أكبر، وتابع:” ولكننا نقول إن مصر مازالت قوية وشعبها قوى بوحدته ونسيجه الوطنى وإن شاء الله هننتصر”. وأضاف رئيس الوزراء، خلال لقاء له عبر…

[amrattia9]

#مكملين #ثقة_بالله #هننتصر #ضد_العسكر #مرسي_رئيسي (at Al-Nahda Square)

[sarrah]

اخواني لقد انتصرنا، مش بدون خسائر أوي بس المرة الجاية هننتصر أوي إن شاء الله

أهرب من أمي أروح على فين 🏃🏻‍♀️