#مكملين

[valianttreedinosaur]

لما تكون قوي حتى لو على باطل العالم كله يهابك #SHORTS #SHORTS

[fidaa960]

بلاش القرارات ديه بوقت تكوني عصبيه او سعيدة جدًا لأن اغلبها تؤدي للندم وبتكون خطأ بحق انفسنا .

امنحى نفسك قسطا من الراحه بعيدا عن مواقع التواصل، فترة معينه ...

فـ كل شخص منا يحتاج اجازة ذهنيه لاستعادة سلامه النفسي ، فا إن لنفسك عليك حقاً..

دمتِي بخير 💚

شكراً الك يا أنون ولكل من بعث لي كلمه ليذكرني بكل الكلمات التي أقولها لغيري الحمدلله أن هناك من يذكرنا بكلمة وبدعوة بالغيب اللهم سخر لنا من يدعو لنا وإن غبنا أو فارقنا الدنيا يذكروننا لا تنسوني من دعواتكم فرج الله عنا وعن جميع أمة محمد عليه الصلاة والسلام أجمعين.

[maiiiiie]

مين اللي رجع ان امتحانات الشهر تدخل في المجموع 🥲

[semnatv2]

أضرار النوم / أضرار النوم الطويل/ دراسة: كثرة النوم تضر بالجسم/ أضرار طول مدة النوم

#أضرار #النوم #أضرار #النوم #الطويل #دراسة #كثرة #النوم #تضر #بالجسم #أضرار #طول #مدة #النوم #النوم #اضرارالنوم #دراسة #الأرق #insomnia #النوم #النومالصحي #النومالعميق # قلهالنوم #اقوالوحكم #تليفزيونالسمنه #عاطفاحمد #السمنة #اقوالالحكماء #اقوالمأثورة #حكماقوالشعررمزياتشباببنات #كرهقدم #كاسالعالم #كاسالعالم_2022 #كأسالعالم #كأسالعالمقطر2022 #كوره #الارقام #الأرق…

[blackblackblackblackblack]

اليوم صرنا سنة ،٣٦٥ يوم من الحرب والدمار والنزوح والقتل ولسا مكملين

[colored-entropy]

بنت خالتي، اللي هي أول حب في حياتي، بتتصل بيا على غير العادة عشان تسألني على شوية حجات تخص بنتها، اللي أنا أول حب في حياتها.

البنت اللي كانت شاطرة ومجتهدة وبتحب المذاكرة طول الابتدائية والاعدادية، وعندها طموح من وهي في اللفة تبقى دكتورة، مبتحبش الرياضيات، وخايفة تدخل علمي وتقع في الرياضيات فتضرب المجموع فمتلحقش كلية كويسة. قاموا حولوها لأزهر أولا، ثم عزموا امرهم على انها تدخل أدبي. واستقر الوضع والبنت بدأت تاخد دروس والدنيا كويسة، لحد ما قعدت مع أحد مشايخ المواد الشرعية وقالتله انها هتدخل أدبي، قام خوفها وقالها الأدبي ده قسم تافه بتاع الفاشلين وملوش لازمة، خشي علمي وكملي وانت شاطرة.

الراجل قد تكون نيته حسنة فعلا، ولو انه شتم في قسم ادبي يعني وده بالنسبة لي من الكبائر، بس البنت خافت، ورجعت نقلت الكلام لأمها -بنت خالتي- فأمها قررت تتصل بابن خالتها -اللي هو أنا يعني- على أساس ان ده فنان العائلة والوحيد العاق اللي درس حاجة بيحبها والآن هو مستقل ومستقر وممشي أموره يعني مش عطلان، فنتصل بيه ناخد رأيه.

اتخضيت أولا من الزمن. أنا عجزت لدرجة اني بقيت بينطلب مني نصايح لطلبة ثانوية عامة؟ كان القرد نفع نفسه والله يا بنت خالتي، يا أحلى وأبرأ حب في حياتي. متعرفيش انت انا كنت حاسس بايه يوم فرحك، أي نعم كان عندي أربعتاشر سنة، بس كان قلبي واجعني بردو. بس عنيا ليك بردو وهديلك من خبرتي في الحياة.

اتخضيت تاني من ان لسه فيه ناس بتفكر بمنطق كليات القمة والقاع، هو احنا عندنا تعليم من أصله؟ ما محصلة بعضيها يا جماعة. بس قعدت أفكر حبة وانا مسقعلها ع التلفون، أنه فيه ناس معندهاش بدايل فعلا غير التعليم مهما كان رديء. في النهاية مش كل الناس عندها رفاهيات اتخاذ قرارات مجازفة في الحياة. الشجاعة والاخلاص للأحلام الشخصية والانحياز لطفلك الداخلي اللي كان نفسه يطلع رائد فضاء، كل ده كلام في الدماغ ملوش علاقة بالواقع نفسه، فيه ناس في الواقع معندهاش فرصة لعمل أي حاجة إلا من خلال الشهادة، وفيه ناس معندهاش أي رأسمال اجتماعي يسند��ا بيه نفسهم قدام العالم والناس ��لتانيين إلا الشهادة نفسها، وبنتنا الدكتورة راحت بنتنا الدكتورة جت، حتى لو بنتهم الدكتورة دي بيتفتح عليها مطاوي في طوارئ المستشفيات الحكومية.

المهم، استجمعت قواي العقلية والنفسية والعاطفية في مكعب الحب الغريب اللي طلعلي من مكالمة غير متوقعة الساعة حداشر بالليل ده، وقلت لبنت خالتي انها محصلة بعضيها بأمانة، وعديت لها على صوابعي كمية صحابي الدكاترة والمهندسين اللي سابوا المجالات دي وراحوا اشتغلوا في حجات تانية، وأصحابي اللي مكملين في المجالات وكفرانيين ومكتئبين ومش طايقين نفسهم بسبب الشغل، وان الشيخ بتاع المادة الشرعية، ممكن يكون عنده حق في ان العلمي أضمن سيكا، بس بردو الأدبي مش ضياع يعني وممكن البنت تعمل حاجة. قالتلي بنفكر في لغات وترجمة وهي بتحب الانجليزي وشاطرة فيه، قلت لها حلو، اللغات حلوة، ماما حلوة، بس لو فيه نصيحة واحدة هقولهالك بعيدا عن فكرة القسم والتخصص، هي ان الجامعة فترة مهمة في تكوين شخصية البنت نفسها وتجميع مهارات برا الكلية أصلا. وحكيت لها على واحد قابلته زمان وحكالي انه أيام ثانوية عامة كان كل طموحه انه يخش كلية مفيش فيها مذاكرة ولا شيت غياب وحضور ولا وجع القلب ده كله عشان يعرف يعمل الحاجات اللي عايز يعملها وهو باله رايق، ودلوقتي هو مأسس شركة وبيشتغل في مجال بيحبه.

فيعني الدنيا مخلصتش، ودوامة الثانوية العامة دي متستاهلش تكون دوامة أصلا، وهي كده كده خربانة واحنا في بلد زبالة ومفيش تعليم أصلا، فمتكدريش نفسية البنت ولا تخوفيها وتحسسيها ان مستقبلها ضاع يعني عشان دخلت أدبي. فاطمنت وشكرتني وقفلنا. وكان الود ودي أقفل المكالمة وانا بقولها تحت أمرك والله، أنا في الخدمة، ده انت مش عارفة انت ايه بالنسبالي، مع السلامة. مع السلامة يا فرح، يا أرق حب في حياتي، مش هنساك أبدا، مش هنساك. مع السلامة مع السلامة مع السلامة.

[khaled-eid]

أمر مُحزن للغايه إن فيه ناس بتفضل واقفه مكانها بسبب أشخاص تانيين مكملين حياتهم اكثر من طبيعية.

[elsoltansworld]

- الآمان ..🌏⁦♥️⁩✨

هو انك تبقي عارف ان في شخص في حياتك هيفضل موجود وانه جمبك وقت متحتاجه هتلاقيه وانك وقت متختلف معاه تتكلم وانت عارف انه مش هيفهمك غلط وان مهما وصل الخلاف بينكم تبقي عارف انه مش هيجرحك بكلامه لان في الاخر دا مجرد خلاف وهيروح لحاله انما انتوا مكملين .. الامان انك متبقاش خايف وانت بتقول اللي جواك .. الامان انك متحسش انك علاقتكم ببعض علي كف عفريت لأ دا انت تبقي متأكد ان لو الدنيا كلها اتجمعت علي انكم متكملوش انتوا تكملوا غصب عن اي حد"

[marwa-el-zeiny]

٢٥ يناير...

كل سنة وإحنا طيبين، وبنحاول وإحنا مش ضامنين النتايج، وبنسعى ع قد الشوف، وعايزين بكره أحسن لولادنا مهما كان شكل النهارده، وعشمانين ف كرم ربنا مهما عكينا، ومتوسلين له بحسن نوايانا مهما عكت مننا...

كل سنة وإحنا مكملين ع قدنا مش محملين نفسنا ما لا طاقة لنا به 🤍

[marmarika-world]

معظم اللي عرفتهم في حياتي وعندهم مصايب تقطم الضهر، دايما بألاقيهم أكتر ناس صبورة وبتزق اللي حواليهم لقدام وبتديهم طاقة.. واللي معندهمش غير الولولة والشكوى، لو دورت وراهم هتلاقيهم بيبالغوا جدا في 90% من اللي بيحكوه.. ربنا يرزقنا صبر القابضين على جمر الحياة ولسه مكملين، ويكفينا شر الشكائين من كل شيء، واللائمين على أي شيء.

[mrvictive]

Day 16

where we will, we'll Survive

من البيت لسا مكملين رغم الحر المميت. بس اتعلمنا نذاكر عافيه لا قله نوم ولا تعب ولا حر و لا نفسيه سيئه توقفنا...

Rising As Always...

[zahraa17]

فيه ناس بيحبوا بعض بس الدنيا مش ماشية بينهم فا مش عارفين يعيشوا مع بعض ، و فيه ناس مكملين عشان الدنيا ماشية بس مافيش حب

-لقائلها

[iisraaa]

مش مستوعبة ان مرت ٧ شهور والمجازر والتواطؤ والجنان ده مستمر لسه. فاكرة صباح ٧ اكتوبر كأنه حصل النهاردة بتفاصيله باخباره بفرحه بهيستريا الدموع والضحك. يارب ازاي مرت ٧ شهور ولسه مكملين، نصيبنا من المآسي شوية كوابيس تصحينا مفزوعين؟

[urfavzarzor]

عندي سؤال شاغلي بالي وهو ان ليه فيه رجاله بيقرروا في نص ال relationship انهم مش قادرين يكملوا بسبب حجج واهيه وبيمشوا بجد وفجأة بنلاقيهم مع حد تاني مكملين والحجج ديه اختفت وكمان الموضوع بقى رسمي

لا اله الا الله

[la7ma-mafrooma]

Continuation of venting but in Arabic:

يعني أنا فاهمة إن مش كل الناس هتدعم فلسطين ومش كل الناس بتحبنا كعرب أو كمسلمين وعارفة إن العنصرية مالية الدنيا بس فكرة إني ألاقي مشاهير عندهم ملاييييين لسة موجودين وبيدعموهم عمياني كده حتى بعد تصريحاتهم المستفزة زي بتاع سيلينا جوميز ده مثلًا وهي بتقول هعمل ايه أنا يعني بال١٠٠ مليون بتوعي🙄أو بعد ما في كتير دعموا براندز تبع المقاطعة يعني أنا مش فاهمة إيه القرف ده. أكيد لازم أبقى واقعية في الموضوع ده بس حبيت افضفض لأن زهقت من كتر ما بلاقي تطبيع ومن كتر ما بلاقي ناس مش هاممها وبتدعمهم عادي. مكملين رغم الاستفزاز.

[khaled-eid]

الواحد الحمدلله فخور بنفسه إنه مكمل لحد دلوقتى ومبيهربش من مسؤليات ولا مواقف كانت صدمة بالنسبة له، ربنا يدينا القدرة نفضل مكملين ويرزقنا بالرضا دايماً.