#ف��دق

[mahmoud-abdelqader]

دايما أخضع للكلام

حتى لو كان هو عاصي

دق عود الشيخ امام

دقته خبطت في راسي

( الغمام ) .. أه م الغمام

أمر طارئ .. طال .. ف دام

كل شئ بيصير تمام

بالتعود والمحايلة

[roro-scorpion]

انا كنت فاكره ان العك ف الطبخ بس

لكن أنا حاسه اني عكاكه ف الامومه واساليب التربيه يعني 5 دق بطبطب و 5 دق بصوت و 5 دق تربيه ايجابيه و 5 دق همسك الشبـ ـشب

اللي هو أربيك ازاي يابني قولي انت خليك انت اكبر مني وفهمني 😂♥️

[rum-o]

اسكندريلا - حيوا أهل الشام - SoundCloud

Listen to اسكندريلا - حيوا أهل الشام by Rezoviche on #SoundCloud

دق قلبي ف ��يت مسافركم

مت ماستنيت لأخركم

[m-anarrr]

المواجهة .

بس مواجهة اي معرفش

زمان كانت ماما دايما ضد فكرة ان حد يروح لدكتور لوحده لازم يبقي في رفيق في لحظات الانتظار دي حتي لو رايح تكشف علي صباع رجلك الصغير لازم معاك ونيس كده .

بس تجري الايام والدنيا تفرض نفسها علي الواحد الحمدللة وابتديت ادرك وجهة نظر ماما لأن ببسا��ة مش الطف حاجة ان الانسان يتساب لدماغة وهو قاعد منتظر دوره ولسه مش عارف هو في ايه او هيبقي في ايه

والشئ الاخر لو كنت جتلي وانا عندي ٧ سنين تقولي بكرا تكبري وتروحي لوحدك كنت هقولك انت كداب وبعدين هعتذرلك عشان عيب اقول انك كداب رغم انك كداب عشان كنت طفلة مؤدبة شويتين تلاتة كده

ونيجي للجانب التاني لو كنت جيت من ٣ سنين فاتو تقولي انك هتقعدي في النور اكتر من الضلمة ساعتها كنت هبصلك واضحك وجوايا هقول ان الناس اتهبلت والله وجاية تلعب في ثوابت حياتي وهما ميعرفونيش

دلوقتي لسه بحب الضلمة اه بس الواحد كبر في السن والرؤية ابتدت تبقي مشوشة ومحتاج النور عشان المعالم توضح

حاسه اني تايه بشكل أكبر من سنيني اللي فاتت ،الحاجة الوحيدة اللي بتحسسني اني متحكمة في حياتي هي لما بتحكم في اكلي بس مؤخرا بقيت حاسه ان اكبر غباء بقدمة لنفسي اني بلخص حياتي كلها وقدرتي في رغيف عيش بلدي قلتلة لأ.

مفتقدة المناقشات الشيقة والحوارات في المطلق اللي بفضل اتكلم فيها واللي قدامي يتكلم معايا فيها واحنا الاتنين مش فاهمين بس يوجد انسجام الحوار وده المهم

بجري ...اه بجري بس سن العشرينات معمول للجري والتصالح مع الذات واكتشاف الذات والتجارب والذي منه ف هكمل جري لمدة ٣ سنين كمان بس لعل الجري المرادي هيكون نهايتة اجابة مرضية ونجاح مرضي لذاتي من غير معاناة مع رغيف العيش البلدي

يمكن لما ابتدي احب ذاتي صح ساعتها هدرك الحب او يمكن ساعتها هبتدي ادي مساحة للناس في حياتي ....لاني لحد دلوقتي مش فاهمة غير ان الكل ييأكدلي ان عندي علة ما ومحتاجة افهم سبب رفضي ويعني ايه قلبي لسة مدقش ...

بس ان جينا للحق كل الناس اللي قلبها دق حواليا الشكوكش وقع علي دماغهم فطار يعني والخساير اكبر مش مستعدة اخسر نفسي وانا بجري لاني لسه اساسا مش لاقية نفسي ف ليه التعاقيد ؟

معنديش طاقة للرغي بس روحي مثقلة بالحزن وخايفة الشعور يبقي مألوف ليها لدرجة انها ترفض تمشي وتسيبة

اكلت عسل اسود بطحينة النهاردة مع فطير ومع كل لقمة كنت حاسه اني i don't deserve this بس كملت لحد ما شبعت وحسيت اني استاهل ابقي الطف مع نفسي من كده .

في جوانب كتير من حياتي مش مرتاحة اتكلم فيها مع نفسي بس لازم اتكلم عشان لغة الحوار دي هي لللي بتخليني اتعلم .

عايزة اعترف اني رجعت تاني اعاني ومش بقدر اروح الشغل ولا بقدر اعمل الحاجات اللي بحبها بس بجبر نفسي عشان كل اجبار بيحسسني اني عملت انجاز استحق الانبساط بيه .... بس اللحظات التانية بحس بفشل ذريع بيقطع قلبي بس برجع تاني اهدي

طول ما عيونك حلوين يا منار وقادرة تشوفي الحلو في اللي حواليك يبقي لسه قادرة تلحقي نفسك .

[moonheart201996]

روحت و قالت لها أني أنا و لهان

أمتي الحب طال

قلبي و لا ف الخيال

حبگ ده فيه يتقال موال

لم شوفتها قلبي دق ثلاث دقات

[dawshadreams]

الموضوع بقى مش خوف اني اكون لوحدي

الخوف اني افقد الامان

الخوف اني احارب على حد مبيحاربش عليا

الخوف من كل حاجه

هو انا ليه مش الاختيار الاول في حياة حد؟

انا عملت ايه غلط؟ انا عملت ايه؟ انا معملتش اي حاجه لكل اللي بيحصل

انا حبيت… حبيت بجد وحسيت بمعاني الامان مع حد

ليه يا دنيا ف عز فرحتي قتلتيني بالشكل ده

ليه حسستيني بالخوف ده

ليه دايما بتدخليني ف حرب واختيارات مستحيله

وليه دايما مبكونش اول اختيار؟

انا عمر ما قلبي دق قبل المره دي

وعمري ما هحس بالثقه والامان في الحب لو مكملتش

الحب اتخلق عشان يكمل مش عشان يبعد ويبقى ذكرى

يار�� قلبي متوجعه اكتر من كده يارب قدرتك

[a7md2468]

الحب شعور تلقائي جدا .... شعور عجيب خالص مالوش تفسير و مفيهوش وسط ... دا ياا تكون بتحب وقلبك دق

يا دا مش حب .... و نقول انه انبهار بدايات .. اعجاب

بس منقدرش نقول عليه حب بجد ....

لان لما تحب بجد هتعرف اولا انت اخر حاجه ممكن الشخص الى بيحب يبصلها هى الشكل مش بتبقى محتاج تشوف اللي بتحبه بـ احلى طقم وأجمد ساعه و تسريحه شعر

علشان يبهرك .. مجرد شكله وهو لسا صاحي ممكن يكون مبهر بالنسبالك بطريقه غريبه كمان ... لو لقيت نفسك شايفه أجمل حاجة ربنا خلقها مهما شفته منكوش أو متعصب و مبهدل وسخيف ومحدش يتحمّل سخافته وفوضاه غيرك ... اعرف إنك بتحب ....♥️

لو جرّبت عيوب الى بتحبه واستوعبتها و تقبّلتها ، و لقيت نفسك بتتغاضى عن العيوب اللي في شخصيته وعارف تتعامل معاه .. اعرف إنك بتحبه ..♥️

لو لقيت نفسك بتصبر عليه أكتر ما بتتنفس ....

اعرف إنك بتحب ....♥️

لو لقيت كل حاجة صعبة في طريقكم ومع ذلك انت حالف لتكمّل و تعافر وما تسيبهوش مهما شفت من ظروف ...

اعرف انك بتحب ...

سيبك خالص من شعور الاشتياق ، واحساس انك مفتقده ، واحساس انه حاجة حلوة في حياتك و كلامه و عيونه و صوته و وجوده لذيذ و مُهم . ومينفعش يبقى مش

موجود في يومك ......

كل داااااا ممكن يتحط تحت بند التعوّد أو الانجذاب

إنما الحُب ...شئ تاني خالص ...ا

الحُب إنك شفت كل حاجة وحشة و صعبة و رغم كده

انت حاسس انك عايش أهمّ قصة حُب في حياتك

مع حد نادر الوجود فعلاً . بتشوف جمال جوا العيوب ، بتشوف هدوء وسط الدوشة ... انسجام روحك في روحه بيجبرك تتغاضى ، و تصبر ، وتتحمل مراره الايام علشانه

لما تشوف إنه حاجة متتعوضش ولا بكنوز ولا بناس

الكون كلهم .....اعرف إنك فعلاً بتحب ....

لما بتحب مش بتحتاج تدورها ف دماغك ... هيا بتيجي كدا بتحبه و خلاص مفيش اسباب انت بتحبه بكل ما فيه عيوب بقا أو مميزات ، إنت عاوز الشخص ده اياً كان التمن ... ♥️

[msvt7]

دام فيها يراودني ف لا😉

دام فيها لا اجل دق علي 😂

[nashwaelkady]

من حقى .. أعرف بقلم معلم فحمه

لو كان أعدام الريس المخطىء يشفى غليل المظاليم لانه خان ثقتهم ,, اعدموه ,, من حقى .. أعرف و من امتى كان لى حق أأول اللى أأوله جوه السجون ما أتزق و لو ميت قدوم … نزلو على راسى دق هافضل أحبك .. يابلدى و حبك ف القلوب .. شق أزاى تسيبوا اللى ما رحم يتيم ولا اللى قال الحق وطلق كلابه تفتش كل خرم و شق ودلدل ريالتو علينا ولمنا ف الشق وشفنا جماله بيفرد قلوعة فرد وخرم سفينة بلدنا وبدل فيها الحق وبكى شعب…

[hebaahmed77]

توت حاوى ..سبع مرات

لعبة جديدة ياحضرات

دق الفول ويا الكرات

هات الشطة والبهارات

شخبط لخبط حضر طاسة وكب الزيت

ولع طلع ريحة مريحة ف جو البيت

ح تلقى عجينة عجيبة متينة

كل يا صنايعى .. كل يا فقير

كل ماهو لسة الفول قناطير

آه ياسلام..لو عود جرجير..

تفضل تاكل لما تموت..

توت حاوى ..حاوى توت.

[lamis-salaheldeen]

- فرحه

=نعم

-لا ولا حاجه كنت بجرب صوتي بس

=مش هتبطل أبدا

-اه مش هبطل تعرفي ليه ؟

=لييييه يا حسن

-لانه براحتي

رميت عليه ملخص الفيزيا ومشيت قدامه وأنا عامله نفسي مقموصه بس هو ده حسن عمره م هيتغير يومه ميكملش من غير م يناكف فيا ،ماما بتقول في السبوع بتاعي كان بيعيط ويتخانق مع الستات ويقول محدش يقولها تسمع كلام حد غيري سعتها مامته ومامتي قعدوا يضحكوا هما مش بس جيرانا هما جزء من عيلتنا زي م إحنا جزء منهم

=انتي ازااااي تمشي قدامي كده من غير استئذان

-امشي زي منا عايزه ي حسن عارف ليه

= لا مش براحتك ع فكره

-لانك جمبي ع فكره

=ايه

-بقولك لأنه فعلا براحتي ع فكره

=طب امشي قدامي يا بت بدل م ارزعك كف يعدلك تاني

فتحت ع الدنيا ملقتش غيره جمبي وحوليا فتحت على ايديه كان في كل مكان حصصنا سوء مدرستنا وحتى ف الفسحه مكنتش بفارقه ��ي طفله متعلقه بابوها ف وسط زحمة العالم كان هو المكان الوحيد الأمان..

=الكليه للدراسه مش عرض أزياء

-وانت مالك انت ايييش حشرك هدومي وأنا حره فيها

=لا مش حره يا فرحه وادخلي غيري اللبس ده وإلا قسما بالله م في كليه انهارده

-ي ماماااااا شايفه حس..

=م تسمعي الكلام يا بنتي هو ادري برضو

انا حقيقي مش عارفه هي أمي ولا مرات أبويا بس اللي اعرفه اني هعمل تحليل DNA قريب بسببها الست دي

=فرحه

-نعم

= لا ابدا كنت بجرب صوتي

جيت احدف عليه كشكول المحاضرات اتكعبلت انا ف مطب معرفش ظهر امتي ولا فين بس اللي اعرفه ان ايده كانت مسكاني من قبل م اقع سعتها انا موقعتش بس حاجه تاني هي اللي وقعت ومن يومها ملقتهاش

- فرحاااااه

=انا مش طرشه والله

-ايه رايك ف الطقم ده ؟

=ايه الشياكه دي من امتي النضافه دي يا ابو علي

-بتكلم جد

=كمان جد لا ده الموضوع فيه ان

-تقصدي منه

مش عارفه ليه اتمنيته بيهزر يومها بس مكنش بيهزر طب ليه النغزه دي دلوقت ليه بتوجعني ايه اللي حصل.. قلبي مكنش بيعرف يتكلم بس كان بيضخ دم مسموم يومها خلي روحي تنطق وجع

=الف مبروووك بقي بس زعلت والله ازاي متقولش لفرحه لا انت اتغيرت خلاص مبقتش حسن بتاعـ ..بتاعنا

-قولت اعملهالك مفاجأة ايه رايك ذوقي حلو مش كده

=جدا واسمها احلي

ضحك وقلبي عيط..

-فرحه

=نعم

-لا ابدا كنت بجرب صوتي... يلا سلام

طب اقول لمين اني موجوعه وهو الشخص الوحيد اللي كنت بقوله.. الاسوأ من الألم نفسه اننا منلاقيش اللي نقوله احنا بنتألم!

-متصل والساعه اتنين بالليل الحب ولع في الدره بقي

=ادخلي نامي ي بنت انا خاطب وانتي ايه مسهرك ؟

اقوله ازاي اني مبعرفش انام غير لما الاقيه قفل حتي لو مبنتكلمش.. اوصفله ازاي افكاري اللي هتقتلني لما اتخيله بيكلمها بدل م كان بيطمن علي فرحته يومها كان عامل ازاي..

ازاي الكون كله ممكن يقف علي قلب بنوته صغيره ويكتم روحها قبل نفسها لمجرد انها حبت حاجه مش بتاعتها.. لكن الحب مش بالايد.. مين يلوم واحد بيتنفس.. مطن يلوم واحد قلبه دق!

-حسن

=هااه

-الفرح امتي ؟

=قريب جدا الحقي تحجزي فستان بس محترم هااه والااا قسمااا عظمااا م هتدخلي حتي عتبة القاعه

-حاضر

=ايه ده ومن امتي السهوله دي مش هتعارضي وتطلعي عيني زي كل مره!

-لا تعرف ليه ؟

بصلي ووجه جظمه كله ناحيتي دقق في عنيا قلبي وقف سعتها وكانه بيقراني.. ازاي نظره واحده توقف حركة جسم كامل!

=ليه يا فرحه!

-لانه ..لانه براحتي

قولتها وطلعت اجري ..

دخلت صفحتي بالليل لقيته فاتح كا��عاده افتكرت موشح اندلسي كنت بسمعه دايما ايام ثانوي.. وبدات اكتب..

-

"فأعيدوا عهد انس قد مضي تعتقوا عبدكم من كربه "

=الله الله يا هانم كبرتي وبقيتي تحبي

-ده ده موشح كنت..

=كنتي دايما بتسمعيه ف ثانوي

-ايش عرفك ؟

=الهاند فرى بتاعتك كانت بايظه صوتها عالي وعلى طول كنت أسمعها معاكي وانتي مندمجه

-السماعه دي انت اللي جايبهالي ع فكره

=منا قاصد

شوفتها ومردتش لقيته فجأه منزل مقطع من نفس الموشح..

"لم يكن وصلك إلا حلما بالكري أو خلسة المختلس"

دوست إعجاب وكملت عندي ..

" والذي اجري دموعي عندما

عندما اعرضت من غير سبب

ضع على صدري يمناك فما أجدر الماء بإطفاء اللهب "

مسكت الفون وطفيت الاضاءه قعدت ع الأرض وجمبي مخدتي دفنت راسي فيها وبكيت بكل كياني مكنتش دموع كانت روحي بتقطر روحها واحده واحده..

ازاي قلب بحجم كفة الايد يتحمل وجع بحجم العالم

نهرت نفسي لحد م انهرت تماما.. مش ليكي يا فرحه وانتي عارفه كده

بس قلبي ليه وهو مش عارف كده

طب هي بتحبه زيي عارفه تفاصيله قدي عارفه انه بيحب سندويشات البطاطس مقرمشه مش طريه تعرف انه بيحب الشتاء اكثر من الصيف تعرف انه بيحب الغوامق في لبسه طب تعرف انه بيحب البرفنات وعنده حساسيه منها طب تعرف أني مش بس بحبه..

انا روحي متعلقه بطرف روحه مهما راح!!

= بكره كتب الكتاب ..

-مش هينفع اجي

=ادبحك والله انتي بتهزري

-عندي امتحانات ميد تيرم ولازم أذاكر اعذرني

=ابقي عيدي السنه الجايه

-انت بتهزر!

=اومال اسيبك تهزري وحدك.. من أمتي فرحه متكونش مع حسن ف..

-من دلوقت

بصلي ومستغربش لقيته قرب فجأه ونفس النظره بتاعة المره اللي فاتت بس المره دي لا يا فرحه مش هبصله ولا هضعف..

-انا همشي ورايا مذاكره

=فرحه

مكنتش عايزه ارد بس تلقائي قولت

- نعم

=هتيجي يا فرحه بكره عارفه ليه

-رميت الورق من ايدي وكل دموع الدنيا اتجمعت في عيني وانا عيني في عينه..

=لأنه مفيش عروسه متحضرش كتب كتابها يا بت

الأرض حرفيا بتتحرك تحتي دماغي تقلت قوي وعنيا حسيتها بتشدني لتحت وكالعادة لقيت ايده زي كل مره مسكتني... موقعتش بس عرفت ان نفس الحاجه اللي وقعت مني المره اللي فاتت وقعت منه!!

=هتفوقي ولا أعملك تنفس صناعي ؟

فتحت عيني بصعوبه وبتلقائيه نطيت من جمبه

-فوقتي ليه ي شيخه فوتي عليا الفرصة دي

=انت.. انت فيه ايه!

-نا عارف إني هخلف عيال هبله والله بسببك

=انا.. مكنتش بحلم ؟ يعني اللي سمعته ده كان..

-حقيقي جدا

=وهبه والخطوبه وفرحك

- مقدرتش اظلمها معايا وهي كمان حست ب ده

=تظلمها ؟

-لما بكون معاها بفكر انتي بتقولي ايه دلوقت ؟ لما امسك الفون أول اسم ببقي عايزه ارنله هو انتي ،لما أفتح فيس ولا واتس أول حاجه بعملها بشوفك فاتحه ولا لا ..انا لقيتني غرقان في تفاصيلك يا فرحه

=التفاصيل مش سبب يا حسن

-عندك حق وعشان أخد قرار صح لقيتني تخيلت حياتي من غيرك للحظه للحظه واحده.. . معرفتش حتى أتخيل.. انتي فرحتي انا وأنا حسن بتاعك مينفعش أكون لحد غيرك يا فرحه منفعش..

مسحت دموعي ووقفت بصيتله استجمعت كل شجاعتي ونطقت..

-انا اسفه يا حسن مش هينفع صدقني

اختفت كل ملامح وشه وبهتت فجأه صوته وطي وكانه بيجاهد انه يطلع..

=ليه يا فرحه لييه ؟؟

-لانه براحتي

ضحكت من كل قلبي وقتها ضحكت بروحي لما لقيته ضحك كمان.. م هو روحي!

-حسن

=نعم

-لا مفيش كنت بجرب صوتي

=فرحه

-بتجرب صوتك مش كده

=لا بحبك!

"كانت عيناه قبلة واعتذار من هذا العالم على حماقاته تجاهي " 💜

#رندا روق

[emanaboelenin]

بحلم حبيبي يعود

يعزف نغم على العود

ويفوت علينا الليل

يسمع شجى المواويل

ويغنى ع ارغول

الحانه هربانه

مواله سيف قتال

وفالت م القانون

اوتاره مسلوبه

تبادل اللحن بجنون

تنسج على نولى

وتزلزل الكون بالقليل

يرقص وقمره يميل

والغنوة تتغنى

على شجى المووايل

تغوى الزوايا الضيقه

ارجع بأه

ملعونه دى الغربه

مرة كما ريقى

عاشق

وليلى طويل

الحانى هربانه

والقلب مهما يميل

غاوى وشايل شيل

وصوتى مش طالع

سكبت عشقى دليل

وسلسبيل

على سكتك

يغزل نغم

من بيت لبيت

ويقول هويت

ويدق بدفوفه

بحلاوة النيه

ولاغنوة تشفع لى

يا نجمه اتدلى

طوفى على خلى

وقولى اغنيه

بالسيكا والنهوند

اعلى بالمقامات شويه

بس حاسبى ع الوتر

دى الغنوة بتناجى البشر

المعشوقين

متمعشقين

وانا البريئه

وكل ذنبي

ف الغرام المستحيل

امنيات متشوقة

فعلقولى المشنقه

والاغانى

ف حلقى جفت

لكن بغنى رغم انى

كل اللى شافنى

قال بنت موت

و الغيه فيا

زى كلمه

اه بتلعب

ع الوتر

والنغم رغم

السكوت

راق وارتقى

دق الدفوف

فاق واتفق

دا النور قانونى

شق امتشق

حتى الجيتار

رق ودفق

للمعشوقين

ال متمعشقين

مفهمش أسرارى

شيش ولا بيش

يا نجم

فين خلى

كان مالى والغربه

بتزودالمفتون فتون

ملعونه دى الغربه

مرة كما ريقى

عاشق وليلى طويل

انت اختيارى

ولو كنت الا��ير

ارجع بأه

بقلمى ايزيس

[sharqwy]

ولأن خط الميرى أزرق

القلم ف الفصل أزرق..

ختمُه ختم النسر لازرق

واما قال مقلوب وهطفح

ركبوه البوكس لازرق

لبسوه ف السجن أزرق

واما أصبح جوا لعنة..

دق وشم اللعنة لازرق

والبنات القطر فاتهم

بخ تحت عنيهم أزرق

واللى ضايعة تستخبى

تحت ليل الهلس لازرق

والجميلة كى لا تُحسد

كان لابد الفص لازرق

والولد لفلف ودخن

فخ كان دخانه أزرق

مص دمه ودارى همه

فبنطلونه الجنز لازرق

وان قال حرام يرموه فمكان

ميعرفوش الجن لازرق

يبقى ��يه لاحمر ولابيض ف العلم

لما هى لونها أزرق.

[farida-a]

_صعيديه ي محمد؟!

_ حبيتها ي حنان.. مش عارف ليه هي بس خطفتني ازاي وامتي مش عارف !

_ سبحان مقلب القلوب والله.. طيب ناوي ع اي؟

_ هخطبها.. أنا اتكلمت مع بابا وحاولت أقنعه وقالو أنه الصعايده عاداتهم صعبه شويه ومختلفين عننا كتير بس وافق ف الآخر وبإذن الله الخميس الجاي هنروحلهم

_ربنا يفرح قلبك ي حبيبي

الحب مبيعرفش لا عادات ولا تقاليد ؛ الحب بيعرف مجري القلب وبس ، صدق اللي قال أنه الحب أعمى لما يدق باب قلبك إنسى انك تشوف غيره بعد كدا !

جه يوم الخميس وجهزنا نفسنا علشان نروح مع محمد أخويا يتقدم للبنت اللي حبها ، شفت صورتها عاديه زيها زي اي بنت بس من حب محمد فيها وكلامه عنها وقد اي شايفها أجمل بنت ف العالم حبيتها جداً..

وصلنا عندهم ، البلد حلوه بشكل غريب والبيوت هناك جميله جداً ف وسط الأراضي.. هواها نضيف وهدوء غريب مسيطر عليها عكس القاهره وزحمتها..

_ انتِ طلعتي أحلى م الصوره بكتير ي رضوي

_انتِ اللي جمر جوي ي حنان

_ يلهوووووي جمر لهجتلك حلوه اوي بجد

_ وااااه عاد انا معرفش أجول كلام حلو زييكي

_ مش مهم تقولي كلام حلو.. إتكلمي وأنا هسمعك وبس دا يكفيني

كانت البنات والستات قاعدين لوحدهم والرجاله لوحدهم علشان يتفقو ع كل حاجه ، دقايق ولقيتهم بيقولو هنمشى ..

_ هنمشى دلوقتي؟

_ أيوا ي حنان يالا علشان منتاخرش

_ استنى شويه ي ماما علشان خاطري ، اتفرج شويه ع البلد

_ بإذن الله ي حبيبتي أما الموضوع يتم إتفرجي عليها وإتمشى براحتك

= همليها براحتها ي أم محمد وخليكو شويه لسا بدري ولا زهجتوا منينا !

والده رضوي قالت لماما وهي سمحتلي أتمشي شويه جنب البيت.. لأول مره أروح الصعيد ، أنا عمري ما شفت جمال بالشكل دا ! ، مشيت شويه ولقيت تلات بنات بيلعبو بالكوره واسم اللعبه " بيوضه " ؛ وهي عباره عن بنتين بيقفوا ع الطرف وبنت ف النص ، البنت اللي ع الطرف بتشوط الكوره للبنت اللي ع الطرف التاني بحيث الكوره تلمس البنت اللي ف النص وتطلع برا اللعبه...

_ ممكن ألعب معاكو؟

وقتها ضحكو عليا علشان أنا كبيره ، بس سمحولي ألعب معاهم ، لأول مره أفرح بالشكل دا وكنت بجري شبه الهبله علشان الكوره متلمسنيش..

_ يووه الكوره طارت بعيد

_ خليكو انتو وانا هجيبها مش انا الكبيره اللي فيكو صح !

_ ماشي ي كَبيره

عديت الطريق التاني علشان اجيب الكوره وفجأه لمحت حصان بيجري ناحيتي ، كالعاده بينزل عليا سهم الله ومبقدرش اتحرك وقفت مكاني وعيني ع الحصان ، اللي هو انا جاهزه لأي حاجه تعالي موتني حالاً ، وقعت ع الارض من خوفي ..

_ انتِ غبيه ، الحصان كان جاي عليكي وهيموتك.. انتِ زينه طيب مفيش حاجه صابتك؟

رفعت راسي وبصيت تجاه الصوت.. لمحت شاب باين عليه انه ف أواخر العشرينات ، بشرته خمريه وشعره أسود وعيونه بلون القهوه، كان لابس جلابيه لونها أسمر ، اتقابلت عيونا لفتره طويله ؛ نظرته حاده وغامضه اوي، مد ايده ليا علشان أقوم ب�� رفضت بسبب طريقته معايا..

_ أنا مش غبيه.. وبعدين الحصان هو اللي بيجري بسرعه كبيره أوي

_ ولما هو بيجري بسرعه كبيره جوي كدا ليه متحركتيش! ولا مستنيه أما يموتك تبجي تتحركي!

_ إنت مالك يعني ! انا حره

_ لو كنتي من ناسي كنت علمتك كيف تتحدثي معايا ، وبعدين لما تكوني نازله البلد إهنه تبجي تلبسي زين وتغطي راسك دي

سابني ومشي ، مين هو علشان يتكلم معايا بالشكل دا.. وبعدين انا لبسي كويس اوي ليه بيقول كدا؟

مقدرتش أكمل لف ف البلد بسبب كلامه اللي قفل المود دا.. ورجعنا القاهره تاني

_ هاااا ي محمد مقالوش هيردوا عليكم امتى؟

_ قالو هنفكر يومين كدا ونرد عليكم

_ بإذن الله هيوافقوا.. رضوي جميله وطيبه جداً وهما أصلا هيلاقو زيك فين يعني

_ والله !! ودا من امتى ي ست حنان مش دايماً تقولي مفيش واحده هترضي بيك

_ كدا وكدا يعني دا هزار ي جدع

_ ماشي ي ستي

_ محمد.. هو انا لبسي مش كويس؟

_ ازاي يعني ! انا شايف انه لبسك كويس

_ وشعري؟

_شعرك دا احلى حاجه فيكي أساساً .. استنى هو حد لعب ف عقلك ولا اي؟ اي الاسئله دي

_ لا ولا حاجه.. يالا تصبح ع خير

يوووه بقا وانا من إمتى رأي حد بيفرق معايا ! هو ماله ألبس ازاي ولا أعمل ايه أصلاً ؟ عدي أسبوع وردوا علينا بس عمري ما اتخيلت انه ردهم يكون بالشكل دا؟

_ يعني اييه ي بابا ؟ وازاي يحطو شرط زي كدا أصلا؟

_ بيقولو علشان يضمنوا حق بنتهم وأنه احنا منكنش طمعانين فيهم

_ وأنا ذنبي اي ؟ ليه يطلبوا مقابل زواج محمد ورضوي اني اتجوز من ابنهم ! يعني قصاد بنت ياخدو بنت ! الناس دي بتفكر ازاي كدا؟

_ اهدي ي بنتي وبعدين حد قال اني هوافق إديكو ليهم ، براحتهم مش عاوزين ابننا خلاص

_ و محمد؟!

_ محمد راجل إنما انتِ يستحيل أسيبك ليهم

_ محمد بيحبها أوي ي بابا.. وأنت عارف محمد تعبان وانا مقدرش ازعله حتى لو ع حساب نفسي

_ يعني اي؟

_ يعني لو كان دا شرطهم أنا راضيه بس أهم حاجه محمد يكون مبسوط

_ وأنا مستحيل أخليكي تتجوزيه وانتِ مش راضيه

_ بس انا راضيه.. انا يمكن معرفوش ولا عمري شفته بس اكيد هيكون انسان كويس وهحبه صح؟

_ مش عارف اعمل اي ! خايف أخسر اخوكي من جهه ومش راضي ع زعلك من جهه تانيه

_ والله ما زعلانه انا مبسوطه وفرحانه ليه جداً.. بس علشان خاطري متقولش لمحمد اني وافقت علشانه وعلشان الشرط دا بس

بعد محاولات كتيره لاقناع بابا بطلبي وافق عليه.. انا مقدرش اشوف محمد بيتعب قدام عيوني تاني ! محمد عنده مرض ف الأعصاب بيأثر ع نطقه وبيخليه تقيل وبيزيد تعبه أكتر لما تكون حالته النفسيه وحشه..

ردينا عليهم واننا موافقين ع شرطهم وبعدها ب يومين العيله جت علشان يقرأوا الفاتحه واتعرف ع أخو رضوي اللي لغايه دلوقت معرفش لا اسمه ولا شكله ! .. جهزت نفسي ولبست فستان أسود لبعد الركبه بشويه وجبت شعري ع كتفي.. كنت عادي واخده الموضوع ع أنه تجربه وبس.. دخلت ليهم وكنت باصه للأرض مع اني مكنتش مكسوفه بس ماما قالتلي اعمل كدا مع اني كنت هموت واشوفه ي ترى شكله عامل ازاي؟ صعيدي وبجلابيه زيهم ولا اي نظامه ! ، سلمت عليهم كلهم وانا لسا عيوني ف الارض لغايه ما جيت قصاده ورفعت عيوني...

_ اي دا.. هو انت؟

_ هو انتِ!

= ف اي ي جماعه انتو تعرفو بعض؟

سألنا محمد إذا كنا نعرف بعض ولا لا بس لقيته رد عليه وقاله اننا منعرفش بعض.. وشويه وسابونا نقعد لوحدنا

_ ليه قولتله اننا منعرفش بعض؟

_ لأني معرفكيش

_ لا والله ! وأما قولتلي ي غبيه دا كان اي؟

_ خلي قلبك أبيض عاد مش إكده ي حنان

_ متنطقش إسمي ع لسانك ي

_ ي فرحات.. وبعدين ملوش لازمه طوله اللسان دي علشان مجطعوش

_ انا لو عارفه انه انت العريس انا مكنتش هوافق أقعد معاك أساساً

_ وانا لو عارف انه انتِ مكنتش هقبل انك تشيلي إسمي فاهمه

_ واي اللي مقعدك لغايه دلوقتي؟

_ اللي مقعدني ومصبرني عليكي هي أختي ! وإلا زماني كنت فاعصك تحت رجلي دلوجيت

_ انا كمان لولا أخويا كنت زماني قتلتك

_ صبرك عليا بس أما تبجي ف داري ومرتي

_ بتقول اي؟

_ مبقولش أنا بعمل وبس وتطلعي تخبريهم انك موافقه فاهمه

عيونه ونظرته قاسيه جداً زي ما شفتها أول مره.. بخاف من مواجهتي معاه ! وخوفت أكتر لما قالوا انه الفرحين بعد أسبوع !

اتجوزنا وطلبو مننا أنه لازم نعيش مع أهله.. بيتهم جميل جداً شبه القصور..

_انت بتعمل اي؟

_ هنام

_ هتنام هنا؟

_اي السؤال الغبي دا

_انا مش غبيه.. و متكلمنيش تاني بالطريقه دي

قرب خطواته ليا وانا كنت ببعد مش خوف منه لأ دا كان رعب منه ومن عيونه لغايه ما لبست ف الحيط اتوترت أكتر ف قربه مني..

_ وبعدين!

_ إبعد عني وإلا هصوت وألم عليك الناس

_ وهتجوليلهم ايه؟

_ هقولهم انك..

_ إني!

_ ممكن تبعد شويه.. وبعدين حضرتك يعني انت عندك اخت بنت مينفعش كدا

_ انتِ مرتي ولا الفرح والهيصه دي كلها لحست مخك التعبان

_ انا مش هرد عليك.. ربنا يسامحك.. ممكن بقا تتفضل تشوفلك أوضه تانيه غير دي

_ دا انتِ تعبانه ف الملفات

_ ايييه !! يعني اي؟

_يعني عيانه ف مخك

_ هو انا يعني علشان لما برد عليك فبتتعصب وبتيجي تخوفي بنظرتك دي عيب جداً والله دي مش اخلاق الصعايده يعني حضرتك

_ متخافيش

_ حاضر

_....

سابني وبرده نام ف نفس الاوضه

_حضرتك يعني لو مش هضايقك لو دي أوضتك براحتك مش هزعجك والله بس قولي ع أوضه تانيه أنام فيها

_ إعقلي ونامي مش لازم يحسوا إننا مش عاوزين بعض.. لازم يفهم��ا اننا بنحب بعض عادي والدنيا زين

_لغايه امتي؟

_ ما هو أكيد مش هينفع اطلقك انهارده

_ليه يبشه!

_ الصبر يارب.. ي بنت الحلال مش دلوجيت ع الاقل يعدي فتره ع جوازنا ونبقى نخترع اي حجه لطلاقنا

_ حاضر

_....

_ هو انت بتاخدني ع قد عقلي ولا بتتكلم جد؟

_اتخمدي وعدي ليلتك دي ع خير

_حاضر

_....

_ انت نمت؟

_أيوا

_ أومال بترد عليا ازاي؟

_ برد عليكي من أحلامي.. نامي بجا

_ حاضر

معرفتش أنام طول الليل ، مبعرفش أنام غير ع سريري وف بيتنا أنا مليش ف الجواز المسؤوليه دي أنا عاوزه أرجع لبيتنا تاني..

مر أسبوعين وفرحات سافر القاهره ف شغل وكنت دايما لوحدي مش عارفه أخد ع المكان ولا الناس بسرعه وخاصه اني مليش حد هنا .. كنت حاسه اني وحيده ف غيابه منكرش انه وحشني وكنت مفتقداه جداً.. رغم انه كل حياتنا عباره عن خناق واني دايماً بعصبه بتصرفاتي إلا انه حنين جداً وف وجوده عمري ما بحس اني غريبه ووحيده ابداً..

_ هتيجي امتى؟

_ اي اتوحشتك ولا اي!

_ لأ

_ يبجي اتوحشتك

_ بصراحه حاسه اني لوحدي وبخاف وانت مش موجود.. مش عارفه انام وبسمع أصوات كلاب بليل وانا بترعب منهم

_ متخافيش وبعدين أهلي معاكي ف البيت وانا موصيهم عليكي لو أحتاجتي اي حاجه كلميهم

_ حاضر

_صوتك مش مطمني.. إضحكى إكده ومتسبينيش قلقان عليكي

_...

_ساكته ليه عاد؟ طيب خليكي معايا وكلميني لغايه ما تهدي شويه وتنامي

كلامه عيطني أكتر لاني لأول مره أحتاج لوجود حد كدا ، بس ارتاحت لما مكلمته ، إطمنت لما حسيت انه خايف عليا ومهتم بيا.. معقوله أكون حبيته؟

فضلت صاحيه طول الليل وخايفه انام.. بترعب لما انام لوحدي

فجأه لمحت باب الاوضه بيتفتح اترعبت أكتر وجسمي كله كان بيترعش.. مقدرتش أصرخ وأنادي حد يلحقني ، وفجأه لقتيه هو

_ ف اي مالك؟ بتعيطي ليه!

_ ف ف فكرتك عفريت

حضني.. لأول مره يحضني ، كنت حاسه اني تايهه ف حضنه ونسيت كل خوفي وكل شيئ كان مزعلني، حسيت ف حضنه بأمان عمري ما عشته قبل كدا..

_(ضحك) وهو العفريت برده هيفتح الباب علشان يدخل

_ مش يمكن دا عفريت محترم

_ دا انتِ مصيبه والله

_ جيت ليه؟ مش لسا فاضل أسبوع !

_ جيت أشوف المصيبه بتاعتي

_ مصيبه اي؟ اي اللي حصل

_ انتِ.. انتِ مصيبتي(اتنهد)

_لا والله؟

_آه والله.. مقدرتش أشوفك خايفه بالشكل دا وهملك لحالك

أنا موجود هنا علشان أطمنك مش علشان أسيبك خايفه

_ انا متشكره جدا

_ متشكرنيش.. احضنينى ع طول

قلبي دق.. لأول مره قلبي يدق ف وجوده ! انا اتكسفت منه ليه! والكلام طار مني .. طيب ليه وشي أحمر كدا ؟ وايدي بتترعش ليه قدامه ! اي اللي بيحصلي دا؟!

_ يالا تنامي ع طول علشان هخرجك بكره

_بجد؟

_ بجد

حاسه انه بيحبني.. لا مش حاسه انا متأكده.. عيونه بتقول كدا، خوفه وقلقه عليا، حتى صوته؛ صوته بيكون قاسي وقوي لما بيتكلم مع أي حد ما عدا أنا نبره صوته مختلفه معايا وبحس بلهفته وخوفه عليا من صوته..

_ يالا انا جاهزه هتوديني فين بقا؟

_إنتِ اي؟

_انا اي؟

_ انتِ إكده جاهزه.. روحي إمسحى الهباب اللي حطاه ع شفايفك دا ولمى شعرك من وشي

_ دا روج ومش تقيل يعني؟ وبعدين شعري ماله؟

_ شعرك ماله؟ شعرك دا ليا انا وبس مش هخليكي فرجه لكل واحد شويه وبعدين شايفه قروني طالعه ولا اي ؟

_ شعري اي؟ ليك انت وبس !

اتكسف وفجأه اتوتر لما قربت ليه

_ كنت بتقول اي؟

_ بقول انه لازم تتحجبي.. مينفعش شعرك دا يبان للي رايح واللي جاي يتفرج عليكي.. وبعدين حرام ولا نسيتي ولو كنتي ناسيه أفكرك زين

_بتغير عليا؟

_ لأ

_ تمام يالا ننزل بقا

_ تدخلي تداري شعرك وتمسحي الهباب اللي ف وشك دا وإلا...

_ وإلا؟

_ هحضنك

_ يبقا أمسحه أحسن

_ وبرده هحضنك

_ مجنووون.. بيغير عليا

_ بعشق جنونك

#واللى_تخلي_صعيدي_يحبها_يبقا_ي_بختها💙

#حنان_محمد

[loliaziz]

عزيزي مؤمن

مُدركة تماما ً و انت كان زمانك بتتريق عليًا و بتقولي معقول مراسالاتك كلها بقيت لناس راحوا؟ شُفت يا مؤمن الزمن عمل فينا ايه؟ ، النهاردة رُحنا عندك، اخر مكان استلم جسمك، لكن روحك عارفين انها حوالينا، انا بكتب هنا بس عشان افضل ��فتكر الإحساس اللي حسيته و حسن اخوك الصغير جاي ناحيتنا بخطوات ثابتة ، احا يا مؤمن. صرخت و قلتلهم "بيمشي مشية مؤمن" كلهم بصوا و دمعنا! خُفت، قلبي دق ضعف عدد دقاته ف الثانية عشر مرات، بعدت عيني لحظة و مقدرتش، ازاي يا مؤمن؟

دُبنا يا رفيق المسيرة العسيرة،تماماً