#الاذاعة

[acpsalewaanewspaper]

المُدوّنات الالكترونية كسلاح جديد في الحرب الإعلامية

المُدوّنات الالكترونية كسلاح جديد في الحرب الإعلامية   المُدوّنات الالكترونية كسلاح جديد في الحرب الإعلامية الكاتب : د.بوخنوفة عبد الوهاب الملخص: إن المتتبع لتاريخ الحروب والنزاعات المسلحة التي عرفتها المجتمعات الإنسانية منذ العقد الثالث من القرن الماضي ، سيلاحظ دون شك أن كل حرب من هذه الحروب تميزت ببروز وسيلة إعلامية معينة طبعت هذه الحرب وصبغتها بصبغة معينة . والواقع أن الحرب العالمية الثانية…

[aktech2000]

راديو زما ن ❤️ ذكريات الاذاعة المصرية. راديو ذكريات رمضانية شنبوة في ال...

[messamelhussini]

‏من دمشق " هنا القاهرة " 🤍

أثناء العدوان الثلاثي على مصر قام العدوان بقطع الارسال فى الاذاعة المصرية وعلى الفور قام المذيع السورى عبد الهادى بكار الدخول فورا الى مقر الاذعة السورية وقطع البث عنها وربطها بالبث المصرى وقال من دمشق هنا القاهرة

" سوريا يارب احفظها وانصرها " 🤍

[cid5]

الاذاعة الالمانية تعلن هزيمة جيشها في معركة ستالينجراد، ١٩٤٣م.

[mysteriouslyclearenemy]

#كتب /موسي فتوح ◾◾عـــــــــــــــــــــالم وعـــــــــــــــــــالمه

الراقصة سهير زكي ، التي كانت في ذلك الزمن في أوج مجدها ، بالتّحديد عام ١٩٨٢ والحدث كان داخل مبنى الإذاعة والتلفزيون في القاهرة عند شبّاك توزيع الرواتب!! ..!!

جميعنا يعرف جيدا العالم المصري الشهير الدكتور "حامد جوهر" ، الحاصل علي جائزة الدولة التقديرية ووسام الاستحقاق من الطبقة الأولي و هو مقدم البرنامج الشهير "عالم البحار" ... وكتير كانوا فاكرين انه امريكي مقيم بمصر!

ذات يوم و في عام ١٩٨٢ ذهب العالم الجليل لمبنى الاذاعة و التلفزيون ليتقاضى راتبه الذي لا يتجاوز ٢٥ جنيهاً ، عن تقديمه لحلقات برنامجه الشهير "عالم البحار" ، ووقف عالمنا الجليل في طابور طويل ينتظر دوره و بعد مرور وقت طويل يبعث على الزهق و الملل ، ظهرت سيدة تفيض جمالاً وأنوثة وتضع نظارات سوداء ، تجاوزت الدور ووصلت إلى شبّاك الخزنة و الجميع يلتفت اليها و يهمهم :" دي سهير زكي! " .. ويقف الصراف ويرحب بها بحرارة و يعطيها ٢٥٠ جنيها ، لتنظر سهير زكي للمبلغ ، فيعلو صوتها معترضة على ذلك المبلغ قائلة : " انا ارقص ربع ساعة بالملاليم دي ؟!! " ..

تهامس الحاضرون متبرمين من رد فعل سهير زكي! .. ليتدخل الدكتور حامد جوهر بأسلوبه الدمث الراقي المعهود

و يقول لسهير زكي :

" انا يا استاذة أحضر من الاسكندرية و أجهز للحلقة قبلها بأيام

و كُتب و مراجع

و مدة الحلقة نصف ساعة

و يعطونني خمسة و عشرين جنيها! "

فالتفتت إليه

سهير زكي وقالت بلهجة حادة : " طيب وأنا مالي

ما تروح ترقص يا أستاذ "

المشكلة الي الان في مصر مازال الرقص بكل انواعه يتفوق علي العلم شوف حال المعلم و المهندس وغيره وفي المقابل شوف حال الراقصات وحموبيكا واورتيجا وبتوع الطبل والزمر.. زمن الرويبضه قولا وفعلا وواقعيا. . وعجبي .. الغريبه ان الناس التافهة بيكترو اوووي وبيتصدرو المشهد

[omarabdelaziiz]

اذاعة القراءن كانت دايما بتبقي شغالة ف بيت جدي في راديوا محطوط علي رف ف الصالة ، ليل نهار جدي الله يرحمة كان سا��بة شغال

امي اشترت راديو ومشغلة نفس الاذاعة بقالها فترة في سكون الليل والصبح بدري لما بسمعة قلبي بيتقبض وافتكر ذكراياتي ف بيت جدي وجدي الله يرحمة

ومش قادر اتخيل شعورها هي ايه حقيقي

[dedi-ashour]

زي النهاردة سنة 1956

.

شعوب ليبيا و سوريا والسعودية والبحرين خربوا انابيب النفط اللي بتنقل النفط العربي لاوروبا ردا علي العدوان الثلاثي علي مصر .. مكتفوش برد حكامهم بالرغم ان ردودهم كانت مشرفة جدا ..

.

سوريا اعلنت ان كل مواردها تحت تصرف الادارة المصرية .. ولما المعتدين ضربوا محطات البث الاذاعي المصرية بثت الاذاعة السورية برامجها بافتتاح (( هنا القاهرة )) ..

.

السعودية قاطعت دول كتير جدا .. وقفوا امدادات النفط رسميا .. وفوق دا حبت توصل رسالة عملية للغرب ان الحرب علي مصر بمثابة حرب علي السعودية ودونها الرقاب .. فانطلقت كتيبة من المقاتلين المتطوعين كان بين افرادها الملك فهد ( وكان وقتها وزير ) و الملك سلمان الحالي ( وكان وقتها امير الرياض ) ..

.

حققنا انتصارات دبلوماسية رهيبة .. دبلوماسيو العرب كلهم كانوا بيمارسوا ضغوطهم وبيستغلوا صداقاتهم علي معظم دول العالم المؤثرة .. والنتيجة ان الصين هددت بانها مش هتتفرج علي مصر بتحارب لوحدها وبعتت 10 مليون فرنك سويسري .. الهند هددت بالانسحاب من الكومنولث .. باكستان صرحت بان الاعتداء علي مصر اعتداء علي العالم الاسلامي كله .. الاتحاد السوفييتي بدأ تحركاته بكثافة .. كندا بدأت تحركاتها بكثافة ..

.

صحيح فقدنا عدد كبير جدا من الشهداء واكتر من مدينة اتدمرت .. لكن على غير الشائع خليني اقولك اننا حققنا مكاسب كتير جدا .. لغينا اتفاقية الصداقة بيننا وبين الانجليز .. انفردنا بادارة و تسيير القناة وتحصيل ارباحها وملكيتها .. امننا معظم الشركات البريطانية والفرنسية في مصر والباقي اتحط تحت الحراسة ودخلنا خزينة الدولة 30 مليون في غمضة عين ( ودا كان مبلغ خيالي وقتها ) .. واستولينا علي القاعدة العسكرية البريطانية المراقبة للقناة بكل دباباتها ومدرعاتها واسلحتها وذخائرها ومؤنها ..

[jojou2]

ربي يرحمه، فخر الاذاعة الجزائرية

🇩🇿 ❤️

[aktech2000]

راديو زمان #ذكريات الاذاعة المصرية - رمضان زمان عيش مع ساعة لقلبك الجزء...

[es-r-aa7]

اعذري جهلي بس ماله عبدالناصر؟

اول واحد ابتدع موضوع ان الجيش يدخل ف المشاريع الاستثمارية و التلاعب بالشعب عن طريق الاعلام

بروباجاندا مجانية التعليم ( رغم ان هو وغيره من ضباط القورة كانوا متعلمين بالمجان 😅)

اول من عك واستنفذ الشعب بشعارات ودخل ف حروب استنزاف بدون اي فايدة لمصر فيها بالعكس الفترة اللي المفروض يعد فيها جيش مصر و اقتصادها عشان اي عيل لسة ف الابتدائية هيقولك ان اسرائيل وقتها مش هتسكت ومستنية تشوف مصر بقت منهارة اقتصادياً والجيش متهالك عشان تضرب بأقل خسائر .. وكأنه كان بينفذ دا بالحرف !!

اول من استخدم الفنانين والمشاهير للتلاعب بالحقائق ..

كله كوم بقى والنكسة واسبابها كوم تاني.. كون ان المستشار العسكري يبعت الجنود من اليمن - وهما متهالكين اصلاً- لسينا بدون سلاح ولا غطاء جوي .. حرفياً بعت الجنود للتهلكة ! احيه يا جماعة والله

وفي نفس الوقت اللي جنودنا بيموتوا بدون حتى ما يكون في فرصة يدافعوا فيها عن ارواحهم مش ارضهم كمان .. كان الباشا بعد ما حضرته اشترى كل وسائل الاعلام المصرية و وكالة انباء الشرق الاوسط و امم محطات الاذاعة كلها و بدء الارسال التليفزيوني في عصره .. الجيش المصري بيدك العدو دك .. القوات الجوية مدمرة العدو !! احيه بجد والجنود كانو بيتقتلوا والاسرائليين موجودين بالفعل على اراضينا و منع الجنود الجرحى انهم يروحوا القاهرة عشان فالوقت دا كان مخلي القطارات اللي رايحة القاهرة تنقل كل الناس بالمجان - عدا الجنود 😅😅- ليه بقى !! عشان يتوجوا للميادين لمظاهرات تدعم جمال عشان ميتنحاش 😅😅 .. جماعة بجد جمال دا ابتدع كل ما هو قذر وتم تطويره لحد يومنا هذا.

الجنود والجرحى معظمهم ماتوا لان الاسماعيلية ومستشفياتها مكنتش مستعدة للتعامل المفاجئ مع كم الجرحى والاصابات بتاعة الحرب دي.

قتلهم بشكل مختلف .. وهو منع نزولوهم للقاهرة عشان يتعالجوا .. بس هو قرر يخفي الحقيقة المرة وتفضل ف اسماعيلية والقاهرة تفضل ف حالة تغيب تام عن الوضع.

بعد ما كان عندنا محاصيل زراعية استراتيجية وبنصدر كمان للدول المجاورة البيه جه جزء وقطع الرقعة الزراعية وحول المساحات اللي كانت تنتج محاصيل استراتيجية ليحصل علي شرعية شعبيه ودمرت الزراعة بتقطيع الارض

عبدالناصر قام بتأميم شركات النسيج والحلج بحجة ان العامل شريك في المصنع. وعين ضباط لتدير الشركات فلا حصل العمال علي نصيب في المصنع ولا حتي علي حقوق العماله الكريمة لكن الضباط نهبت الشركات وخلتها تحت مجهر الأمن

عبدالناصر كان على علاقات بالمخابرات الامريكيه.. دا مش كلامي والله دا كلام خالد محي الدين و محمد نجيب واقرأ المذكرات وهتلاقي حاجات تشيب .. الأمريكان هما اللي كانوا حاطين له الخطط الأمنية ويدعمون حرسه بالسيارات والأسلحة الجديدة

قام بإلغاء المحاكم الشرعية، ونشر الاحتكام للقوانين الوضعية.

دمر الأزهر وجرده من أدواره كلها ، خلى منصب شيخ الأزهر بالتعيين وليس بالانتخاب، مما أدى لبسط نفوذ شيوخ السلطان، واعتقال الشيوخ الذين يصدحون بالحق

والله الراجل دا ربنا يحاسبه وينتقم من كل طالم جشع وطمع في السلطة .. لو قعدت من هنا لاسبرع مش هقدر أخلص كم الخرا اللي عمله ف البلد وانه كان اول بذرة شيطانية لكل ما نعاني منه لحد النهاردة.

[itsbtates]

نفسي أوي أشتغل شغلانة زي أصالة ف البودكاست بتاع عمرو أديب، بتروح بمزاجها الحلقة اللي تعجبها، مبتعملش أي مجهود خالص، مبتسألش حتى، بتقولهم يا روحي يا حياتي يا عمري شو حلو شو حلوة، وبتاخد فلوس كتير جدا وبتروّح، عاملة زي احمد حلمي لما طلع قال "شكرًاااا" في الاذاعة في الناظر، تحفة، شغلانة تحفة

[5005-2]

لو في حاجة واحدة بس هخدها درس من امي في اني معملوش مع ولادي أني أمحي من دماغهم كلمة خوف ، امي شخص خواف جدا و نقلت ليا كل الخوف ده، لما بابا كان موجود و كنت اقوله على اي حاجة عايزة اعملها كان يشجعني و يبقى دايماً معايا و هي تقوله لأ دي بنت و هو يقولها ملكيش دعوة سيبيها تجرب و تعتمد على نفسها، دخلت فرقة تمثيل و سافرت مع مجموعة عملنا عرض في مكان تاني، دخلت فرقة الاذاعة المدرسية و مكنش في غيري تقريبا بيعمل كل حاجة فيها و مع اي حد تاني عايز مساعدة كانو بينادولي، فريق كرة السلة، فريق الأستعراضات، غنى، كنت من العيال اللي كل المدرسة تعرفهم بسبب ذكائهم و أدبهم و لماضتهم كل المدرسين كانو بيقولولي انتي لمضة بس بأدب 😂كنت راشقة في اي حاجة عشان هو دايماً كان بيشجعني ، اول ما بابا مات انا بقيت كائن تاني خاااالص بسبب ماما نسيت يعني اي انشطة وتجمعات. كل حاجة كانت بتقول عليها لأ اي نشاط اي رحلة اي حاجة هى لأ عشان خايفة عليكي، كرهت كلمة خوف و من ساعتها و انا خوافة و بخاف اعمل اي حاجة جديدة او اجرب اي حاجة، على ما اقدر غيرت ده في اخواتي الأصغر و عملت معاهم زي ما كان بابا بيعمل معايا فا الحمدلله طلعو أ��سن مني ❤

[shu-rooq]

اختيار موفق جدا جدا خالص لأغنية ختام العيد للست ع الاذاعة.

الحب كله ❤️

[osamanor]

#الست فيروز👑💙

نهاد رزق وديع حداد أو السيدة فيروز متل مامنعرفها ❤️

86 سنة من الصوت الملائكي وهي من مواليد برج العقرب واليكم ما لا تعرفونه عنها :

🔘تعتبر فيروز من أقدم مطربي العالم الذين لا زالو على قيد الحياة

🔘بدأت بالغناء بعمر 6 سنوات

🔘والدها كان يرفض ان تغني امام الناس لكن محمد فليفل اقنعه بان تغني فقط الاغاني الوطنية ....فوافق

🔘زارت القدس عام 1964 ورتلت بكنيسة القيامة ونالت مفتاح مدينة القدس المصنوع من خشب الزيتون المقدس

🔘غنت لمعظم الدول العربية لكنها لم تغنِ لرئيس او ملك

🔘لم تترك لبنان طوال الحرب الاهلية وبعد موت ابنتها لم تغنِ لفترة طويلة

🔘لفيروز 800 اغنية و15 مسرحية و63 اغنية وطني

🔘نالت 25 وسام استحقاق

🔘اول اغنية مذاعة لها كانت عن طريق الاذاعة السورية سنة 1957 وهي اغنية عتاب التي شهرتها على مستوى الوطن العربي

في احدى المقابلات الاذاعية للمطرب محمد عبد الوهاب سأله المذيع عن أجم�� اصوات المطربين العرب المشهورين فتحدث عن ام كلثوم وعبد الحليم وفريد الاطرش....فقاطعه: لكنك لم تتحدث عن فيروز، فأجابه عبد الوهاب انت سألتني عن اصوات البشر لكنك لم تسألني عن اصوات الملائكة...

🌹🌹🌹

[sdsalim]

كنت أستمع لقصيدة قصة الأمس محاولا انتقاء بعض أبياتها الممتعة، فعرجت لأبحث في حياة هذا الشاعر ،أحزنني ما وجدت كم عانى في حياته البائسة، والده الشيخ ابراهيم سليمان أزهري كان ينظم الشعر و يلهب حماس الجماهير في ثورة ١٩١٩, عاش أحمد فتحي في كنفه في الإسكندرية حتى توفي ، وجد نفسه يتيم الوالدين ،تعثرت دراسته بسبب معاقرته للخمر لكنه تخرج من أحد المعاهد الصناعية المتوسطة مكنته من العمل ، تنقل في مدن مصر حتى عاش في الأقصر فألهمته الحياة فيها قصيدة الكرنك التي تغنى بها عبد الوهاب ، تنقل في عمله و أعتقد من فشل إلى فشل ، قادته الأقدار للعمل في الاذاعة البريطانية في لندن لكنه فشل في المحافظة على عمله هناك ، التقاه الأمير عبدالله الفيصل و ساعده أن يجد عملا في الإذاعة السعودية و رغم البحبوحة لم يستطع المتابعة عاد لمصر و توفي عام ١٩٦٠ ، من أهم قصائده غير الكرنك هي قصة الأمس

--------+++++----+++---++

يَسهَر المِصباح والأقداح والذكرى معي

وعيون الليل يَخبو نورُها في أَدمُعي

يا لذِكراك التي عاشت بها روحي على الوهمِ سنينا

ذهبت من خاطري إلا صدى يعتادُني حيناً فحينا

قصّةُ الأَمس، أُناجيها وأحلام غَدي وأمانيُّ حسان، رقَصت في مَعبَدي

وجراح مشعلاتٌ نارها في مرقدي وسحابات خيال غائمٍ كالأبد

أنا لن أعودَ إليك مهما استَرحَمت دقاتُ قلبي

أنت الذي بدأ الملالةَ والصُّدودَ وخانَ حُبّي فإذا دعوتَ اليومَ قلبي للتصافي لا، لا لن يُلبِّي

قصة الأمس -أحمد فتحي ابراهيم