byevamp

[byevamp]

اونـسـت وســط الـجـوف نــارً بـدافــور

ان جــيــت اطـفـيـهـا تــزايـــد سـنــاهــا

نـــارً تسابـقـنـي عـلــى مشيـت الـــزور

حتـى كـلـت حــدب الضـلـوع بلضـاهـا

اضحك ويطويني مع الضحك حاشور

واكظم واخـاف النفـس توحـي اعداهـا

واصبر على الغربال والضيـم والجـور

واللـى خـلـق خلـقـه حـشـى مانساها

ومجبـور ابيّـن خـافـي القـلـب مجـبـور

مـــادام ثـــارت بـنـدقــي فــــي خبـاها

يافـهـد الفـزعـه تــرى الـحـال مـخـطـور

مـــن عـلـتـن مـحــدن مـحـصّـل ادواهـا

يامسندي وان جيت ابـا ارتـاح فالـدور

تضـيـق نفـسـي مــن خـلاهـا بـخـلاهـا

انــا اعــرف الانـسـان مـنـهـي ومـأمـور

لــكــن بــقـعـا مـاتـكـفـكـف بـــلاها

[byevamp]

طيـفـك لبسـتـه مـثـل مـاالـبـس ثـيـابـي

وطـاريــك مـدوِّخـنـي وللـفـكـر جـــذاب

كــم ليـلـةٍ يـمـك خفـوقـي ســـرى بي

سـرى بـي الهوجـاس مـع خـط ديـراب

وتـاهـت عـلـى درب المـحـبـه ركـابــي

كـنـي غـريـبٍ تــاه فــي ديــرة ا��ـنــاب

والـحـب يـصـنـع مـعـجـزاتٍ اعـجـابـي

وبحر الهوى ماينقصه غرف الأكـواب

مـيـر اسمـعـي يـابـنـت مـنــي جـوابــي

قلـبـي تـصـوَّر لـــك عـنـاويـن وكـتــاب

لــو تسمحـيـن اقــراي معـانـي كتـابـي

وتلقين معنى الحب فـي جملـة اعـراب

ولـيـا عرفـتـي موقـعـي مــن اعـرابـي

كـود الدمـع مـن جفـن عينيـك ينـسـاب

[byevamp]

ماهو بكفو الوقت حبك يمحيّه

ياللي تخاف ظروف الايام تمحاه

ارتاح ..مادام المواصل يقوّيه

انت انت..وانا انا..وقلبي هو اياه

حتى ولو بتغيب ذكراك تكفيه

ياواحدٍ تكفي عن الناس ذكراه

حبك على رملة خفوقي مواطيه

ورياح عذلني عنك ما تمسح خطاه

واللي يعذل القلب عن درب غاليه

الله بما يبلا المواليف يبلاه

اخفيه يا بالفيت والحال يبديه

ادناة واحد ينظر الحال يقراه

مخفيه فيه ومعتني ٍ به وحاميه

من كل عين ٍ ودها تنزل حماه

قلب ٍ يحبك والهوى الذرب ماليه

[byevamp]

اشتقت لك قبل اجيك وجيت واشتقت لك البارحة طول ليلي بين هاذي وذيك مليت جمر انتظارك واستحيت اسالك واحسبني ما بعد جيت وفكرت اجيك أثرك بقلبي من البارح وأنا استعجلك وأثري نسيتك من الفرحة وقمت أحتريك

[byevamp]

ويحق لك ياصغير السن تتكبر

إلا على اللي يحبك يابعد حالي

ياكثر حبك بقلبي والغرام أكثر

وأتخيل وش كثر أحبك وأنت غربالي

ياخلطة المسك.. والريحان.. والعنبر

الريح تستأذنك يا الطيب الغالي

رح وين ما تشتهي رح قد ماتقدر

أنا أول الناس في قلبك وأنا التالي

والعاشق يعلم الصبّار يتصبر

على الضما لاتغطرس وأشهب اللالي

[byevamp]

أعن لكل ما في نجد حتى شارع الستين وأحن إن ذعذع الغربي على أهل الشرق عصرية

وإلا منّه سرى من كل ليلٍ حروة الثلثين عرفت إن نسبة النسيان دون اثنين بالمية

وفكّرت آتبدوى مع أهل البل واترك أهل الضين يجوز البل تنسّي من تبعها عن مشاهيّه

وشريت الوضح لعل وعساي أسلى مع السالين وقعدت أشد وأنزل في التهاتيه الخلاوية

ولكن ما تغير حال هذا انت اتحداني لين نويت أتم نصف الدين والنيّات مقفية

وخذيت من البنات الغيد عقبك وحدة وثنتين عساي أسج عن طاري الهوا وطيوف غاليّه

لكن الوضع هو هو ما تغير والزمان يشين وحبك كل يوم يزيد في العين الشقاوية

عسى ربي يعافيني ولا يبلاك قول آمين تراني كنّي إللي واطيٍ له جمرةٍ حيّة

وتراني يوم كلمتك فديتك عقب تسع سنين ما غير اهيّض العبرات ولاّ النية النية

[byevamp]

فمان الله يا أول من سكن بين الضلـوع العـوج عسى دربك سفير و يا عسـى الله مـا يخلينـي 

توكل لا توادع رح عسى درب الجفـا المسهـوج يصادف درب فرقى عقبهـا مـا تلمحـك عينـي 

سمحت من الهوى ومن القصيد ومن زراق الموج ورميت أغلى مجاديف الغـرام وجيـت بيدينـي 

أبغرق في عذابك لا رحلـت و يصبـح المنتـوج قصيد في حياتـي سلوتـي و أن مـت يرثينـي 

واذا هبن بنات الريح للذكـرى بـدون سـروج أبسرج مهرة النسيان و أرحـل مـن عناوينـي 

وبنسى لين أسج و برسل الونـات فـوج فـوج وبنسى دمع عيني ينتثر و أنسـاك مـن حينـي 

صبور ؟ أي و الله اني ما ثنيت العزم قبـل أدوج بريضان الجفا و أظمـا لوصلـك ليـن تسقينـي 

شجاع ؟ اي و الله اني ما عرفت الذل قبل أسوج قدم رجلـي علـى درب لبيـت أهلـك يودينـي 

كريم ؟ اي والله اني ما عرفت الشح قبل تـروج دموعي في عيوني ثـم أشـح بحسرتـي فينـي 

أحبك ؟ حسبي الله ليت مالك في سمـاي بـروج و لا لك بالبسيطـه كـود شـي بينـك وبينـي 

دخيلك لا تلتفت رح بفالـك و أتـرك المرجـوج تغانم ما بقـى لـك و لا أنـا مـا عـاد يمدينـي 

فمان الله سق ركبك على درب السنيـن العـوج و لكن طالبـك لا أقفيـت عنـي .. لا تخلينـي

[byevamp]

أحدٍ قفل دون هوجاسـه البـاب 

وأحدٍ غدت جدران بيتـه تفاكيـر

ياساكن الهوجاس ممسـاك ماطـاب 

راحت مجاهيـم وجتنـا مغاتيـر 

لا والله الا ضامنا بعـد الاحبـاب

 والشوق ظالـم لاتعـدى المحاذيـر 

احبابنا اللي عقبهم كننـا أجناب

لو ما جفتنـا الـدَّار دار المناعـيـر 

الليل هوّد واكهف النجـم لغيـاب

قضى الحديث وودعونـا المسايير 

[byevamp]

وين أنت صار الكون في ناظري ليل

ولا قبل وجه الطموح إعتذاري

كل الدروب إستقبلت خطوتي ويل

وعبرت معها واحتزمت بقراري

ماعادهي ياصاحبي تصهل الخيل

إلّا اذا جاها من الامس طاري

ولا عزّت الشيمه مقام الرجاجيل

ولا بلّت الغيمه جفاف الصحاري

كلّي ضما وانا تحت رجلي السيل

وكلّي وتعب وارفض اوقّف مساري

استعجل الخطوه وانا واني الحيل

واشبّ في برد المتاهات ناري

واستقبل وْفود الشعر والمواويل

وارسم لها وجهٍ يردّ اعتباري

صرخة تعب وآهات حزن وغرابيل

شبعت صبر ومات عذب إنتظاري

وماعاد فيني نظرةٍ للمقابيل

هذا إختياري في عيون إختياري

ويوم الحياة القاسيه والبهاذيل

يازايد ال زايد فرضت انتشاري

وخلقت من شعري لشعري مناديل

وافنيت لعيون الطموح إعتذاري

[byevamp]

غرب كورنيش الخبر شرقا عن الظهراني

اقبلت واستغفر الله كنّها حوريّه

والشعر مثل الذهب يلعب على الأمتاني

ان تثنّت كنّها مامورةٍ منهيّه

وان تمايل عودها يا الله لا تبلاني

جيدها فتان والفتنه تجيب السيّه

والبروق تلوح بين الخوخ والرماني

قلت وش هالغنج قالت كذا عفويّه

بنت مملوحه جميله والجمال اطغاني

[byevamp]

الوليف اللي هواني وقلبي مهتويه‬

‫لا ذكرته وانا اضحك تنهدت وبكيت‬

‫مالك عقلي وربطي وحلي في ايديه‬

‫وان عصاني طعت وان طاعني غيره عصيت‬

‫كلما مريت صديت ماحبيت اجيه‬

‫احسبني كل ما ابطيت من خلي سليت‬

‫ما اهتنت عيني بشوفه وقلبي ما نسيه‬

‫مثل قولة لا سلمت الحرام ولا سريت‬